26.06.2026 | 19:25
Զինվորական ծառայությունից խուսափելու գործերով հետազոտությունից հրաժարվելու համար քրեական պատասխանատվություն կարող է սահմանվել
Նիդերլանդների ու Լիտվայի ԱԳ նախարարները ողջունել են ՀՀ-ի վերաբերյալ ԵՄ որոշումները
Քաղաքականություն
23.07.2024 | 15:47
Նիդերլանդների ԱԳ նախարար Կասպար Վելկամպը ողջունել է ԵՄ խորհրդի կողմից Հայաստանի ԶՈՒ-ին աջակցության տրամադրումը։
«Ես ողջունում եմ ԵՄ խորհրդի կողմից այս աջակցության միջոցառման ընդունումը՝ ի աջակցություն Հայաստանի Զինված ուժերի: Սա առաջին դեպքն է, երբ ԵՄ-ն որոշել է աջակցել Հայաստանին Եվրոպական խաղաղության հիմնադրամի միջոցով։ Կարևոր քայլ՝ ուղղված երկրի դիմակայունության բարձրացմանը»,- գրել է նա X-ի իր էջում։
Լիտվայի ԱԳ նախարար Գաբրելիուս Լանդսբերգիսը ևս ողջունել է ՀՀ-ին աջակցելու որոշումները։
«Լավ նորություններ, այսօր Բրյուսելում պայմանավորվել ենք սկսել և՛ առանց վիզայի երկխոսությունը, և՛ ԵՀՀ-ի աջակցությունը Հայաստանին։ Լիտվան վճռականորեն աջակցում է Հայաստանի հետ ԵՄ կապերին, և մենք հավատարիմ ենք մնում տարածաշրջանի ժողովրդավարական և խաղաղ ապագային»,-նշել է լիտվացի նախարարը X- իր միկրոբլոգում։
Հիշեցնենք, որ ԵՄ խորհուրդը նախօրեին ընդունել էր ՀՀ զինված ուժերին 10 մլն եվրո արժողությամբ աջակցության չափով օգնության տրամադրման ու վիզայի ազատակացման շուրջ երկխոսություն սկսելու որոշումները։
