05.04.2026 | 15:46
Ազովի ծովում ցորենով բեռնված բեռնատար նավ է կործանվել. մեկ մարդ զոհվել է
ՌԴ-ն ու Իրանը շուտով պատմական փաստաթուղթ կտորագրեն․ Ռուդենկո
Քաղաքականություն
23.07.2024 | 14:23
Ռուսաստանի ու Իրանի ներկայացուցիչներն ավարտել են համապարփակ ռազմավարական գործընկերության վերաբերյալ պայմանագրի նախապատրաստումը, որի պատմական ստորագրումը տեղի կունենա շուտով։ Այս մասին «Իզվեստիայի» փոխանցմամբ հայտնել է ՌԴ ԱԳՆ փոխնախարար Անդրեյ Ռուդենկոն։
«Երկու երկրների արտաքին գործերի նախարարությունների իրավական և տարածքային գերատեսչությունների փորձագետների շատ արդյունավետ խորհրդակցությունների ընթացքում, որոնք տեղի ունեցան Մոսկվայում հունիսի 21-ին, հնարավոր եղավ վերջնական տեսքի բերել դրա (պայմանագրի) տեքստը»,- ասել է ռուս պաշտոնյան։
Փոխնախարարը հավելել է, որ խորհրդակցություններից հետո պայմանավորվածություններ են ձեռք բերվել ամենաբարձր մակարդակով ամենասերտ երկկողմ շփումներից մեկի շրջանակում պայմանագրի ստորագրումը նախապատրաստելու ներքին ընթացակարգեր սկսելու վերաբերյալ։
«Մենք հուսով ենք, որ մոտ ապագայում ականատես կլինենք այս իսկապես պատմական իրադարձությանը»,- եզրափակել է Ռուդենկոն:
