09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
«Ժողովրդավարական ուժերի հարթակ»-ն առաջարկելու է, որ իրենց նախաձեռնության տակ առաջին ստորագրողներից մեկը վարչապետ Փաշինյանը լինի
Քաղաքականություն
22.07.2024 | 16:33
Իրավական տեսանկյունից սա օրենսդրական նախաձեռնության մեկնարկ է, այս մասին Եվրոպայի հրապարակում հրավիրված մամուլի ասուլիսին ասաց «Իրավունքի Եվրոպա» միավորման նախագահ, փաստաբան Լուսինե Հակոբյանն՝ անդրադառնալով «Ժողովրդավարական ուժերի հարթակ»-ի նախաձեռնությանը, որով պատրաստվում են Հայաստանի անդամակցության հանրաքվեի հարցով ստորագրահավաք կազմակերպել։
«Հանուն Հանրապետության» կուսակցության նախագահ Արման Բաբաջանյանն էլ հիշեցրեց վարչապետ Նիկոլ Փաշինյանի խոսքերը, երբ նա գարնանը հայտարարել էր, որ ուզում է այս տարի ԵՄ անդամ դառնանք։ Ըստ այդմ, Արման Բաբաջանյանի խոսքով՝ իրենք առաջարկելու են, որ առաջին ստորագրողներից մեկը հենց վարչապետ Փաշինյանը լինի։
Նրա համոզմամբ՝ մեզ համար կենսական անհրաժեշտությունը է, որ հենց հիմա Հայաստանը ԵՄ-ին անդամակցելու հայտ ներկայացնի։
«Ժողովրդավարական ուժերի հարթակ»-ի ներկայացուցիչները հույս ունեն, որ իշխանությունը ականաջալուր կլինի և կկազմակերպեն հանրաքվեն, երբ իրենք կհավաքեն անհրաժեշտ 50 հազար ստորագրությունը և ԵՄ-ին Հայաստանի միանալու պահանջով կդիմեն Ազգային ժողովին։
Նշենք, որ այսօրվա ասուլիսում «Ժողովրդավարական ուժերի հարթակ»-ը հայտարարեց, որ նախաձեռնությամբ են հանդես գալու՝ կազմակերպել ստորագրահավաք Հայաստանի՝ ԵՄ անդակմակցության հարցով հանրաքվե անցկացնելու համար։
