23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ուկրաինայի ԱԳՆ ղեկավարը բանակցությունների համար մեկնել է Չինաստան
Քաղաքականություն
22.07.2024 | 16:44
Ուկրաինայի արտաքին գործերի նախարար Դմիտրի Կուլեբան մեկնել է Չինաստան Չինաստանի արտգործնախարար Վան Յիի հրավերով, փոխանցում է BBC-ի ռուսական ծառայությունը։
Քննարկման հիմնական թեման, ինչպես ասվում է Կուլեբայի հայտարարության մեջ, ռուսական ագրեսիան կասեցնելու ուղիների որոնումն է և Չինաստանի հնարավոր դերը խաղաղության հասնելու գործում։ Պեկինը հրաժարվել է միանշանակ դատապարտել Ռուսաստանի ներխուժումն Ուկրաինա, փոխարենը Չինաստանի իշխանությունները բանակցությունների կոչ են անում և հայտարարում են իրենց չեզոքության մասին Ռուսաստանի և Ուկրաինայի միջև պատերազմում։
Չինաստանը նաև չի միացել Ռուսաստանի դեմ արևմտյան պատժամիջոցներին և մեծացրել է առևտուրը Ռուսաստանի հետ՝ օգնելով նրան պահպանել իր ռազմական արդյունաբերությունը:
Անցյալ տարի Չինաստանը հրապարակեց փաստաթուղթ, որն անվանել էր հակամարտության քաղաքական լուծման հիմք, սակայն Ուկրաինան և արևմտյան երկրները կարծում էին, որ այն չի պարունակում խաղաղության տանող իրատեսական առաջարկներ։
Չինաստանը չի մասնակցել այս տարվա հունիսին Շվեյցարիայում կայացած խաղաղության գագաթնաժողովին, որը նախաձեռնել էր Ուկրաինան՝ քննարկելու Կիևի առաջարկած «խաղաղության բանաձև»։ Ռուսաստանը գագաթնաժողովին հրավիրված չէր։
