30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ ՊՆ-ն հայտնել է 75 ԱԹՍ խոցելու մասին
Քաղաքականություն
22.07.2024 | 12:27
Հունիսի 22-ի գիշերը ռուսական հակաօդային պաշտպանությունը որսացել և ոչնչացրել է 47 անօդաչու թռչող սարք Ռոստովի մարզում, 17-ը՝ Սև և Ազովի ծովերի վրա, 8-ը՝ Կրասնոդարի երկրամասում, և մեկական անօդաչու թռչող սարք Բելգորոդի, Վորոնեժի և Սմոլենսկի շրջաններում։ Այս մասին Current Time-ի փոխանցմամբ՝ հայտնում է ՌԴ պաշտպանության նախարարությունը։
Տուապսեում հարձակման է ենթարկվել նավթի պահեստը։ Շրջանի ղեկավար Սերգեյ Բոյկոն հայտնել է, որ հարձակման հետևանքով հրդեհ է բռնկվել։ Հրդեհաշիջման աշխատանքներին ներգրավված է եղել 91 մարդ և 31 տեխնիկա։ Հրդեհը մարվել է ժամը 08.01-ին, տուժածներ չկան։
Կուբանի օպերատիվ շտաբը հայտնել է, որ հրդեհը բռնկվել է խոցված անօդաչու թռչող սարքի բեկորների ընկնելու հետևանքով։ Այնինչ տեսանյութում երևում է, որ անօդաչու թռչող սարքը հասնում է թիրախին։
«Օստորոժնո, նովոստի» Telegram ալիքը գրում է, որ անօդաչու սարքերը հարձակվել են Մորոզովսկի վրա։ Տեղի բնակիչները առավոտյան 4-ից հայտնել են պայթյունների ձայների և հակաօդային պաշտպանության գործողության մասին։
Բելգորոդի շրջանի Ուստինկա գյուղում կամիկաձե անօդաչու թռչող սարքը հարձակվել է ընթացող մեքենայի վրա, հայտնել է շրջանի նահանգապետ Վյաչեսլավ Գլադկովը։ Տուժել է վարորդը։
