30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պայմանավորվեցինք քննարկել, թե որ քայլերը կարող են խաղաղությունը դարձնել արդար և իսկապես տևական․ Զելենսկին հեռախոսազրույց է ունեցել Դոնալդ Թրամփի հետ
Քաղաքականություն
20.07.2024 | 10:55
Ուկրաինայի նախագահ Վոլոդիմիր Զելենսկին հեռախոսազրույց է ունեցել ԱՄՆ նախկին նախագահ, նախագահի փեկնածու Դոնալդ Թրամփի հետ։
«Ես խոսեցի Դոնալդ Թրամփի հետ, շնորհավորեցի նրան հանրապետականների կողմից առաջադրվելու կապակցությամբ և դատապարտցի Փենսիլվանիայում տեղի ունեցած ցնցող մահափորձը։ Նրան ուժ և բացարձակ անվտանգություն մաղթեցի ապագայում։
Ես նշեցի Ամերիկայի երկկուսակցական և երկպալատ աջակցությունը մեր ազգի ազատության և անկախության պաշտպանության գործում:
Ուկրաինան միշտ երախտապարտ կլինի ԱՄՆ-ին, որ օգնեց մեզ ամրապնդել ռուսական ահաբեկչությանը դիմակայելու մեր կարողությունը։ Ռուսական հարձակումները մեր քաղաքների և գյուղերի վրա շարունակվում են ամեն օր։
Մենք պայմանավորվեցինք նախագահ Թրամփի հետ անձնական հանդիպման ժամանակ քննարկել, թե որ քայլերը կարող են խաղաղությունը դարձնել արդար և իսկապես տևական»,- գրել է Զելենսկի X-ի իր էջում։
Հիշեցնենք, որ Դոնալդ Թրամփը Bloomberg-ի հետ զրույցում նշել էր, որ պատրաստվում է Ուկրաինային ստիպել բանակցություններ վարել Մոսկվայի հետ՝ ռազմական օգնությունը դադարեցնելու սպառնալիքով և որ ցանկանում է Ռուսաստանին բերել բանակցությունների սեղանի շուրջ՝ սպառնալով մեծացնել Կիևին զենքի մատակարարումները։
