11.12.2024 | 21:17
Հակոբ Ասլանյանը փոշմանել է, բայց արդեն ուշ է․ նա հեռացվեց ՔՊ-ից
Ադրբեջանում Մեջլիսի ընտրություններին մասնակցելու հայտ է ներկայացրել 806 մարդ
Քաղաքականություն
19.07.2024 | 22:51
Ադրբեջանում սեպտեմբերի 1-ին կայանալիք արտահերթ խորհրդարանական ընտրություններին, որպես թեկնածու մասնակցելու հայտ է ներկայացրել 806 մարդ։ Այս մասին Կենտրոնական ընտրական հանձնաժողովի այսօրվա նիստում հայտարարել է կառույցի նախագահ Մազահիր Փանահովը։
Նա ասել է, որ նրանցից 532-ի դիմումներն արդեն բավարարվել են, հինգ հոգու թեկնածությունն էլ արդեն գրանցվել է։ Փանահովը նաև հայտնել է, որ ընտրություններին մասնակցելու հայտ է ներկայացրել 25 քաղաքական կուսակցություն։ Ներկայումս ԿԸՀ-ում արդեն գրանցվել է 23 կուսակցությունների 585 լիազոր ներկայացուցիչ։
Հիշեցնենք՝ հունիսի 28-ին Ադրբեջանի նախագահ Իլհամ Ալիևը հրամանագիր էր ստորագրել երկրի վեցերորդ գումարման Միլլի Մեջլիսը ցրելու և արտահերթ ընտրություններ նշանակելու մասին։ Ալիևը խորհրդարանի արտահերթ ընտրությունները նշանակել է 2024 թվականի սեպտեմբերի 1-ին։ Երկրի Սահմանադրական դատարանի պլենումն ավելի վաղ քննարկել էր Ալիևի դիմումը Միլլի Մեջլիսը ցրելու և արտահերթ ընտրություններ նշանակելու վերաբերյալ՝ որոշելով, որ այն համապատասխանում է Սահմանադրությանը։
