21.07.2026 | 19:33
ՌԴ-ում կասեցված հայկական սերտիֆիկատների հարցով Էկոնոմիկայի նախարարությունը պարզաբանում է տվել
Չինաստանում ջրհեղեղները հինգ մարդու կյանք են խլել, ութն անհետացել է
Քաղաքականություն
19.07.2024 | 18:25
Չինաստանի հյուսիսարևմտյան Շենսի նահանգում ջրհեղեղների հետևանքով հինգ մարդ է զոհվել, ութը անհետ կորել է, հայտնում է Xinhua-ն։
Նշվում է, որ հուլիսի 16-ի ժամը 7։00-ից մինչև հուլիսի 17-ի ժամը 10։00-ն Բաոջի քաղաքային թաղամասում հորդառատ անձրևները չեն դադարել, տեղումների միջին քանակը կազմել է 89,8 միլիմետր: Հորդառատ անձրևների և ջրհեղեղների հետևանքով վնասվել են չորս հանրապետական և մարզային նշանակության ճանապարհներ, հեղեղվել են ավելի քան 40 գյուղական ճանապարհներ և ավերվել 21 կամուրջներ:
Տեղի իշխանությունները հաստատել են, որ հուլիսի 18-ի ժամը 18։00-ի դրությամբ հինգ մարդ զոհվել է, ութը անհետ կորել է։
Տարերային աղետի հետևանքների վերացման աշխատանքները շարունակվում են։
