01.05.2026 | 09:27
Հայաստանի Հանրապետությունը ծաղկում է ապրում, և սա բոլորիդ աշխատանքի շնորհիվ է․ ՀՀ վարչապետի ուղերձը
Ալիևը հայտարարել է, որ բանակցություններ են տարվում Սլովենիա ու Սլովակիա ադրբեջանական գազի մատակարարումների շուրջ
Քաղաքականություն
19.07.2024 | 16:07
Ադրբեջանը և ԵՄ-ն ռազմավարական գործընկերություն են հաստատել էներգետիկ ոլորտում, և այն նախատեսում է մինչև 2027 թվականի վերջը կրկնապատկել ադրբեջանական գազի մատակարարումները Եվրոպա։ Այս մասին նախօրեին հայտարարել է Ադրբեջանի նախագահ Իլհամ Ալիևը՝ ելույթ ունենալով Օքսֆորդում Եվրոպական քաղաքական համայնքի 4-րդ գագաթնաժողովի շրջանակներում «Էներգիա և հաղորդակցություն» թեմայով կլոր սեղանի ժամանակ, գրում են ադրբեջանական լրատվամիջոցները։
«Եթե 2021 թվականին ադրբեջանական գազի մատակարարումները Եվրոպա կազմում էին 8 միլիարդ խորանարդ մետր, ապա այս տարի այդ ծավալը կկազմի մոտավորապես 13 միլիարդ խորանարդ մետր։ Արտահանման ընդհանուր ծավալը 2021 թվականին կազմել է 18 միլիարդ խորանարդ մետր, իսկ այս տարի արդեն կկազմի 25 միլիարդ խորանարդ մետր, ընդ որում այդ ծավալի կեսից ավելին ուղղվելու է Եվրոպա»,-ասել է Ալիևը։
Նա նշել է, որ ադրբեջանական գազը գնում են 8 պետություններ, որոնցից 5-ը՝ Բուլղարիան, Հունաստանը, Իտալիան, Հունգարիան և Ռումինիան, ԵՄ անդամ են։ Եվս երկու երկիր ՝Վրաստանը և Սերբիան, թեկնածուներ են ԵՄ-ին անդամության թեկնածուներ են։Բացի այդ՝ Ադրբեջանը գազ է մատակարարում Թուրքիային։
Ալիևը նշել է Ադրբեջանի և Սլովենիայի միջև գազային ոլորտում համագործակցության ոլորտում տեղի ունեցած «կարևոր իրադարձության» մասին։
«Հույս ունենք, որ առաջիկա մի քանի ամիսների ընթացքում մենք դուրս կգանք նաև սլովենական շուկա: Մենք պետք է արագացնենք բանակցությունները մեր նոր գործընկերների՝ Սլովենիայի և Սլովակիայի հետ, ինչպես նաև ավելացնենք մատակարարումները առկա շուկաներ»,-ասել է Ադրբեջանի նախագահը։
Հավելենք, որ օրերս Ադրբեջանի պետական նավթային ընկերության՝ SOCAR-ի նախագահ Ռովշան Նաջաֆն ընդունել էր Սլովենիայի շրջակա միջավայրի, կլիմայի և էներգետիկայի նախարար Բոյան Կումերին։ Հանդիպմանը նշվել էր, որ Ադրբեջանի և Սլովենիայի միջև հարաբերություններն էներգետիկ ոլորտում հաջողությամբ զարգանում են, նաև ընդգծվել բնական գազի մատակարարման ոլորտում համագործակցության մեծ ներուժը։ SOCAR-ի և Սլովենիայի բնական գազ մատակարարող խոշորագույն ընկերության՝ Geoplin-ի միջև գազամատակարարման ոլորտում համագործակցության ընդլայնման վերաբերյալ փոխըմբռնման հուշագիր էր ստորագրվել։
