Ուսանողական բողոքի ցույցեր Բանգլադեշում. կան տասնյակ մարդկային կորուստներ, հարյուրավոր վիրավորներ, հեռուստաընկերության շենքն այրվում է

Լուրեր

21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
Բոլորը

Բանգլադեշի իշխանությունները բարձր սպառնալիքի ռեժիմ են սահմանել ողջ երկրում։ Համացանցը գրեթե ամենուր անջատված է, իսկ որոշ հատվածներում չեն աշխատում նաև հեռախոսագծերը ։ Նման միջոցառումները կապված են արդեն մի քանի օր շարունակվող ուսանողական բողոքի ակցիաների հետ։ Մայրաքաղաք Դաքքայում ցուցարարների և ոստիկանների միջև դաժան բախումներ են տեղի ունեցել, որոնց հետևանքով տասնյակ մարդիկ են զոհվել, հարյուրավոր մարդիկ վիրավորվել են, գրում է BBC-ի ռուսական ծառայությունը։

Հինգշաբթի Դաքքայում հրդեհվել է պետական BTV հեռուստաընկերության շենքը։ Իշխանությունները նշում են, որ հրկիզումը սկսել են ցուցարարները:

Հեռուստաընկերության ֆեյսբուքյան պաշտոնական էջում հաղորդագրություն է հայտնվել, որ ներսում մարդիկ կան, որոնք չգիտես ինչու չեն կարողացել դուրս գալ։ BTV-ի ղեկավարությունը օգնություն է խնդրում հրշեջներից։

Բանգլադեշի տեղեկատվության նախարարը հայտնել է, որ հեռարձակումները դադարեցվել են, իսկ անձնակազմի մեծ մասը լքել է շենքը:
Ուսանողները դուրս են եկել փողոց՝ պահանջելով փոխել համակարգը, որով պետական հատվածի աշխատատեղերի մեկ երրորդը վերապահվում է 1971 թվականի Պակիստանից անկախության պատերազմի վետերանների հարազատներին:

Ուսանողները գործող կարգն անվանում են խտրական և պահանջում են, որ աշխատանքի ընդունումը հիմնված լինի թեկնածուի որակավորման վրա:

Հարյուրավոր մարդիկ Հնդկաստանում դուրս են եկել փողոց՝ ի նշան համերաշխության բանգլադեշցի ուսանողների։ Համայն Հնդկաստանի դեմոկրատ ուսանողների կազմակերպությունը (AIDSO) զանգվածային երթեր է կազմակերպել Կալկաթայում:

Փորձելով ճնշել բողոքի ցույցերը՝ իշխանությունները հինգշաբթի կտրել են բջջային ինտերնետը ողջ երկրում: Սակայն դա չի օգնել, ընդհակառակը, ըստ բժիշկների, ամենից շատ մարդիկ մահացել են հինգշաբթի օրը. անկախ աղբյուրները նշում են, որ բողոքի ցույցերի մեկնարկից ի վեր, ընդհանուր առմամբ, զոհվել է 32 մարդ։

Նախորդ գիշեր Բանգլադեշի վարչապետ Շեյխ Հասինան ուսանողներին հանգստության կոչ է արել, սակայն իրավիճակը միայն վատթացել է։

Հինգշաբթի օրը ոստիկանությունը արցունքաբեր գազ և ռետինե փամփուշտներ է կիրառել ուսանողների նկատմամբ, որոնք կենդանի շղթաներ են կազմել փողոցներում:

BTV-ի ներկայացուցչի խոսքով՝ հեռուստաընկերության շենք ներխուժած ուսանողները դրանից առաջ հրկիզել են ոստիկանական բաժանմունքը։
«Նրանք հետապնդել են ոստիկաններին, երբ նրանք փորձել են ապաստան գտնել BTV-ի շենքում», – հայտնել է նա AFP-ին՝ նշելով,- «Զայրացած ցուցարարներն այստեղ քաոս են առաջացրել»։

Տեղեկատվության նախարարի խոսքով՝ ոստիկաններն ու անվտանգության ուժերը շրջափակել են շենքը, սակայն դեռևս վճռական ուժ չեն կիրառել։ Այնուամենայնիվ, դա կարող է անխուսափելի դառնալ, եթե ուսանողները չնահանջեն: