23.11.2024 | 10:02
Տիգրան Ավինյանի գլխավորած պաշտոնական պատվիրակությունը մեկնել է ԱՄՆ
Եվրոպան պետք է պատրաստ լինի Ուկրաինայում տասը տարվա պատերազմի․ Ստոլտենբերգ
Քաղաքականություն
19.07.2024 | 12:18
ՆԱՏՕ-ի հեռացող գլխավոր քարտուղար Յենս Ստոլտենբերգի կարծիքով՝ Եվրոպան և ՆԱՏՕ-ն պետք է պատրաստ լինեն, որ Ուկրաինայում պատերազմը կձգվի տասը տարի, սակայն իրավիճակի պարադոքսը, նրա կարծիքով, այն է, որ որքան ավելի համոզիչ կերպով արևմտյան դաշնակիցները ցույց տան, որ իրենք պատրաստ են երկար պատերազմի, այդքան շուտ այն կարող է ավարտվել։
BBC-ին տված հարցազրույցում պատասխանելով հարցին, թե արդյոք ՆԱՏՕ-ի երկրները պետք է պատրաստ լինեն, որ Ուկրաինայում պատերազմը կարող է տևել ավելի քան տասը տարի, Ստոլտենբերգը պատասխանել է. «Այո՛»։
«Սակայն այստեղ գլխավորն այն է, որ որքան շատ մենք աջակցենք Ուկրաինային և որքան երկար պատրաստ լինենք նրան աջակցելուն, այնքան ավելի արագ կարող է ավարտվել պատերազմը։ Պարադոքսն այն է, որ նախագահ Պուտինն այժմ կարծում է, որ կարող է մեզ դուրս մղել: Ահա թե ինչու է պատերազմը շարունակվում»,- ասել է Յենս Ստոլտենբերգը։
«Իսկ երբ մենք շատ պարզ ասում ենք, որ մենք այստեղ երկար ժամանակով ենք, որ մենք հաստատակամորեն մտադիր ենք երկար ժամանակ օգնել Ուկրաինային, ապա մենք պայմաններ ենք ստեղծում հակամարտության կարգավորման համար, որտեղ Ուկրաինան կհաղթի որպես ինքնիշխան, անկախ պետություն»,- ասել է ՆԱՏՕ-ի գլխավոր քարտուղարը։
Հիշեցնենք, որ Յենս Ստոլտենբերգը 10 տարի զբաղեցրել է ՆԱՏՕ-ի գլխավոր քարտուղարի պաշտոնը, իսկ այս պաշտոնից կհեռանա այս տարվա հոկտեմբերին։ Նրան կփոխարինի Նիդերլանդների նախկին վարչապետ Մարկ Ռյուտեն։
