09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Փոխվարչապետ Տիգրան Ավինյանը ընդունել է խաղող վերամշակող արդյունաբերության ոլորտում գործող ընկերությունների ղեկավարներին
Տնտեսություն
04.09.2018 | 17:54
Փոխվարչապետ Տիգրան Ավինյանը սեպտեմբերի 4-ին կառավարության այլ ներկայացուցիչների հետ համատեղ ընդունել է խաղող վերամշակող արդյունաբերության ոլորտում գործող ընկերությունների ղեկավարներին. տեղեկացնում է փոխվարչապետի գրասենյակը:
Գյուղատնտեսության նախարար Արթուր Խաչատրյանը ներկայացրել է ոլորտի հիմնական ցուցանիշները, իրականացվող աշխատանքներն ու ծրագրերը, առկա խնդիրները, ինչին հետևել է հարցուպատասխան:
Իր խոսքի սկզբում փոխվարչապետ Տիգրան Ավինյանը ընդգծել է, որ կառավարության համար արտադրողականության բարձրացումը հիմնական թիրախն է այս ոլորտում: Այնուհետև, լսելով գործարարների բարձրացրած բազմաոլորտային հարցերը, փոխվարչապետը պատրաստակամություն է հայտնել յուրաքանչյուրի մասով առանձին-առանձին աշխատանքներ իրականացնելու, հանձնարարել կառավարության ստորաբաժանումներին ամբողջացնել տնտեսվարողների մտահոգությունների շրջանակը, ներկայացնել առաջարկություններ դրանց արդյունավետ լուծման համար:
