21.07.2026 | 14:48
Գերմանիայի նախագահն Ալիևի հետ հանդիպմանը ողջունել է ՀՀ-ի հետ խաղաղության գործընթացում առաջընթացը
Ուկրաինան ԱԹՍ-ներով հարձակվել է Ղրիմում գտնվող ռուսական առափնյա պահպանության բազայի վրա
Քաղաքականություն
18.07.2024 | 20:41
Ուկրաինայի անվտանգության ծառայության ծովային և օդային անօդաչու սարքերը ռազմածովային նավատորմի հետ միասին հարձակվել են Ռուսաստանի առափնյա պահպանության բազայի վրա Դոնուզլավ լճում՝ բռնակցված Ղրիմում (նեղուցով միացված է Սև ծովին)։ Այս մասին հայտնել է BBC-ի ուկրաինական ծառայության աղբյուրը ուժային մարմիններում, փոխանցում է լրատվամիջոցի ռուսական ծառայությունը։
Ըստ աղբյուրի՝ հարձակման ժամանակ Ռուսաստանի ռազմածովային ուժերը վարժանքներ են անցկացրել լճի ակվատորիան պաշտպանելու համար, սակայն «նույնիսկ չեն կարողացել պաշտպանել իրենց բազան»։
Աղբյուրը հայտնել է, որ «խոցվել և շարքից հանվել են» շտաբը և կառավարման կենտրոնը, զինամթերքի ու տեխնիկայի պահեստը, էլեկտրական ենթակայանը, տեխնիկական կառույցներ և կրակային դիրքեր։
Ռուսաստանի ՊՆ-ն առավոտյան հայտնել էր, որ հաջողությամբ հետ է մղել Ղրիմի վրա անօդաչու սարքերի զանգվածային հարձակումը։ Ռուս զինվորականները պնդում են, որ հերթապահ հակաօդային պաշտպանության համակարգերը «ոչնչացրել և որսացել են» 33 անօդաչու թռչող սարքեր, ինչպես նաև 10 նավակներ, որոնք շարժվել են թերակղզու ուղղությամբ։
