01.06.2026 | 11:16
Կենդանաբանական այգու տարածքը կընդլայնվի. այն երկրորդ մուտք կունենա․ ՏԵՍԱՆՅՈՒԹ
ՌԴ-ն զրկվում է ՀՀ-ին զոհաբերելու գործիքից, խիստ մտահոգ է ՀՀ-Արևմուտք գործակցությունից․ Էմիլ Օրդուխանյան․ ՏԵՍԱՆՅՈՒԹ
Քաղաքականություն
18.07.2024 | 19:00
Երևանում գտնվող ԱՄՆ պետքարտուղարի քաղաքացիական անվտանգության, ժողովրդավարության և մարդու իրավունքների հարցերով տեղակալ Ուզրա Զեյան հայտնել է, որ ամերիկյան բանակի ներկայացուցիչ կաշխատի Հայաստանի պաշտպանության նախարարությունում։ Նա սա ողջունելի զարգացում է համարել՝ նաև ողջունելով Միացյալ Նահանգների և Հայաստանի միջև պաշտպանաքաղաքացիական և անվտանգային համագործակցության խորացումը։
«Սա ևս մատնանշում է հայ-ամերիկյան հարաբերություններում նոր՝ ռազմավարական գործընկերության փուլ թևակոխելու պատմական փաստը»,- ասել է Զեյան։
Հարցին՝ արդյո՞ք ՀԱՊԿ-ին Հայաստանի անդամակցությունը խոչընդոտ է հայ-ամերիկյան ռազմական համագործակցության խորացման համար, ԱՄՆ պետքարտուղարի տեղակալը պատասխանել է․ «ՀԱՊԿ-ին Հայաստանի անդամակցության հարցը որոշում է բացառապես Հայաստանի կառավարությունը։ Մենք հարգում ենք այդ որոշումը։ Նշեմ, որ մեր համագործակցությունը պաշտպանական և քաղաքացիական անվտանգության հարցերում շարունակում է խորանալ, իսկ Հայաստանը մնում է ՀԱՊԿ-ի անդամ։ Երրորդ և վերջին դիտարկումս՝ չկա որևէ փաստարկ, որ Ռուսաստանի ռազմական ներկայությունը նպաստում է Հարավային Կովկասում տարածաշրջանային խաղաղության և կայունության ապահովմանը»։
Քաղաքագետ Էմիլ Օրդուխանյանը Factor TV-ի հետ զրույցում ասում է, որ կարևոր է ԱՄՆ-ի մասնակցությունը ՀՀ բանակի բարեփոխմանը՝ ամերիկյան բանակի ներկայացուցիչ կաշխատի ՊՆ-ում, քանի որ խորհրդային մոդելը կենսունակ չէ առկա սպառնալիքներին հանդիման։
«ՀԱՊԿ-ն սպառված է, ՌԴ-ն սպառնալիք է այդ դաշինքի անդամների նկատմամբ, քանի որ նրանց նկատմամբ նեոկայսերական նկրտումներ ունի, ինչպես, օրինակ, Ղազախստանի տարածքի նկատմամբ։ ՀՀ-ն դիվերսիֆիկացման է գնում՝ Ադրբեջանի ներխուժումը կասեցնելու։ ՌԴ-ից սպառնալիքներ կան բարձր պաշտոնյաների կողմից՝ Արևմուտքի հետ գործակցությանը դեմ են, բայց ինքը Ադրբեջանի հարձակման ժամանակ լուռ էր։ ՌԴ-ն խիստ մտահոգ է ՀՀ-Արևմուտք գործակցությունից, քանի որ զրկվում է մեզ զոհաբերելու գործիքից, իր շահերը կասկածի տակ են դրվում, Թուրքիայի հետ հարաբերություններում զրկվում են մանրադրամից, ՌԴ ռազմավարական նահանջի հիմքեր են ստեղծվում»,- նշեց քաղաքագետը։
Էմիլ Օրդուխանյանը պնդեց, որ ռուսները Զվարթնոցից դուրս գալուց հետո պիտի դուրս գան նաև Իրանի հետ սահմանից, այնտեղ ՀՀ-ն պիտի սահմանապահներ տեղակայի և հսկի։
Հարցազրույցն ամբողջությամբ՝ տեսանյութում։
Ռոբերտ Անանյան
