14.01.2026 | 15:00
Վաշինգտոնում հայ գերիների հարցն է քննարկվել // Տեր Ասողիկ աբեղան ՔԿ հարցաքննության է կանչվել․ ԼՈՒՐԵՐ
Պեսկովը հայտարարել է, թե «ՌԴ-ն ԵՄ-ում ոչ մեկի համար որևէ վտանգ չի ներկայացնում»
Քաղաքականություն
18.07.2024 | 18:29
Ռուսաստանը ԵՄ-ում որևէ մեկի համար վտանգ չի ներկայացրել ու չի ներկայացնում, իսկ Ուկրաինայում պաշտպանում է իր շահերը։ Այս մասին լրագրողների հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Ռուսաստանի Դաշնությունը որևէ վտանգ չի ներկայացրել և չի ներկայացնում որևէ մեկի համար Եվրամիությունում, իսկ Ուկրաինայում պաշտպանում է իր շահերը այն պայմաններում, երբ Եվրամիության երկրները բացառել են երկխոսության ցանկացած հնարավորություն և Ռուսաստանի մտահոգությունները հաշվի առնելը»,- ասել է նա։
Եվրահանձնաժողովի ղեկավար Ուրսուլա ֆոն դեր Լեյենը երկրորդ ժամկետում վերընտրվելուց առաջ իր քաղաքական ծրագրում հայտարարել է ԵՄ-ն պաշտպանական միության վերածելու ծրագրերի մասին: Այդ նպատակով նա մտադիր է նշանակել պաշտպանության հարցերով եվրահանձնակատար, ավելացնել այդ նպատակների համար ծախսերը։
Այս ամենը մեկնաբանելով՝ Պեսկովը նշել է, որ դա ստիպում է Ռուսաստանին համապատասխանաբար ձևակերպել իր արտաքին քաղաքական մոտեցումները։
