Ադրբեջանի ընդդիմադիր Երրորդ Հանրապետություն հարթակը Մեջլիսի ընտրությունները ոչ լեգիտիմ է համարում

Լուրեր

21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
Բոլորը

Ադրբեջանի ընդդիմադիր Երրորդ Հանրապետություն հարթակն իր դիրքորոշումն է հայտնել 2024 թվականի սեպտեմբերի 1-ին նշանակված Միլլի Մեջլիսի արտահերթ ընտրությունների վերաբերյալ՝ դրանք ոչ լեգիտիմ որակելով։ Տարածված հայտարարությունում հասարակական-քաղաքական շարժումը նշում է, որ գործող ընտրական օրենսդրությունն օբյեկտիվ իրավական հիմք չի ստեղծում ցանկացած ազատ և արդար, այդ թվում՝ Միլլի Մեջլիսի ընտրությունների համար։

«Կենտրոնական ընտրական հանձնաժողովը և ստորին ընտրական հանձնաժողովները հիմնված չեն քաղաքական անաչառության սկզբունքի և երկրում քաղաքական սուբյեկտների ներկայացվածության հավասարության վրա։ Ըստ այդմ, համապատասխան ընտրական հանձնաժողովները, որոնք գտնվում են իշխանության փաստացի վերահսկողության ներքո, սահմանափակող իմաստով կիրառում են անգամ ռեակցիոն Ընտրական օրենսգրքով նախատեսված ընտրական իրավունքները»,- ասվում է հայտարարության մեջ։

Հարթակն ընդգծում է, որ դրանով նրանք անարդարացիորեն բացառում են համակարգից դուրս քաղաքական ուժերի ներկայացուցիչներին ընտրական մարաթոնին մասնակցելուց կամ թույլ են տալիս անարդարություն քարոզարշավի և քվեարկության ժամանակ, որն ազդում է ընտրությունների արդյունքների վրա, ինչպես նաև կեղծում են ընտրությունների արդյունքները՝ հօգուտ իշխանությունների և իշխանական թեկնածուների։ Նշվում է նաև, որ սեպտեմբերի 1-ի ընտրություններն ընթանում են 2023 թվականի նոյեմբերին սկսված աննախադեպ քաղաքական բռնաճնշումների պայմաններում։

«Բռնաճնշումների արդյունքում երկրում գրեթե վերացել է կազմակերպչական մակարդակով ցանկացած ինքնուրույն գործունեության հնարավորությունը, այդ թվում՝ ընտրական։ Վերջին քաղաքական ռեպրեսիան, որը հաշվարկված է ոչնչացնել քննադատական ​​լրատվամիջոցներին, իրական քաղաքացիական հասարակությանը և սկզբունքային քաղաքական ուժերին, չի շրջանցել նաև Երրորդ Հանրապետություն ​հարթակը։ Արդյունքում, կազմակերպության ստեղծումից ընդամենը մի քանի շաբաթ անց, պլատֆորմի հիմնադիրներից Արազ Ալիևի մեկօրյա ձերբակալությամբ սկսված ճնշումը շարունակվեց 2024 թվականի մարտին՝ պլատֆորմի խոսնակ Ակիֆ Գուրբանովի և հիմնադիր անդամ Ռուսլան Իզեթլիի ձերբակալությամբ՝ անհիմն ու քաղաքականապես մոտիվացված քրեական գործով։ Հարթակի գրասենյակում խուզարկությունից հետո այն կնքվել է, և այժմ հարթակը ստիպված է աշխատել առանց շտաբի։ Միաժամանակ, բոլոր հիմնադիր անդամներին կալանք է սպառնում»,- ասվում է հայտարարության մեջ։

Ընդգծվում է, որ ռեպրեսիվ մթնոլորտը անհնարին է դարձնում նախընտրական քարոզարշավի անցկացումը։

«Հորդորում ենք քաղաքացիներին չքվեարկել ընդդիմադիր կուսակցությունների այն թեկնածուների օգտին, որոնք բացահայտորեն պաշտպանում են իշխող«Նոր Ադրբեջան» կուսակցությանը և իշխանության օրակարգը, միևնույն ժամանակ, կասկած չկա, որ նրանք իշխանության «արբանյակներ» են»,- նշվում է հայտարարության մեջ։

Հարթակը նաև քաղաքացիներին կոչ է անում արձանագրել բոլոր ընտրախախտումները։

Ավելի վաղ Ադրբեջանի ընդդիմադիր մի շարք ուժերի միավորող Ժողովրդավարական ուժերի ազգային խորհուրդը սատարել էր սեպտեմբերի 1-ին կայանալիք արտահերթ խորհրդարանական ընտրությունները բոյկոտելու՝ «Ժողովրդական ճակատ» կուսակցության որոշումը և կոչ արել բոլոր քաղաքական ուժերին, որոնք մտածում են ազգային շահերի մասին, կայացնել նույն որոշումը։ Կուսակցությունը հայտարարել էր, որ բոյկոտում է սեպտեմբերի 1-ի արտահերթ խորհրդարանական ընտրությունները։

Իսկ ահա ընդդիմադիր «Մուսավաթ» և «Հանրապետական ​​այլընտրանք» (ReAl) կուսակցությունները մասնակցելու են ընտրություններին։ Նրանք ներկայացրել են իրենց թեկնածուներին։

Էմմա Չոբանյան