05.04.2026 | 19:49
Հույս ունեմ, որ այս գիշեր «Բուշեր» օդանավակայանից տարհանված աշխատակիցները կհասնեն Հայաստան․ «Ռոսատոմ»-ի ղեկավար
Ջո Բայդենը երրորդ անգամ վարակվել է կորոնավիրուսով
Քաղաքականություն
18.07.2024 | 11:07
ԱՄՆ նախագահ Ջո Բայդենը երրորդ անգամ վարակվել է կորոնավիրուսով։ Սպիտակ տան մամուլի քարտուղար Կարին Ժան-Պիերը հայտնել է, որ Բայդենի հիվանդությունը թեթև է ընթանում, հաղորդում է BBC-ի ռուսական ծառայությունը։
Նա վստահեցրել է, որ նախագահը նախկինում ստացել է և՛ առաջնային, և՛ խթանող պատվաստումներ։
81-ամյա Բայդենը չորեքշաբթի Լաս Վեգասում պետք է մասնակցեր քարոզարշավի միջոցառմանը: Նրա ելույթը, սակայն, չեղարկվել է։
Ժան-Պիեռի խոսքով՝ նախագահը պատրաստվում է ինքնամեկուսանալ Դելավերի իր առանձնատանը, սակայն կկատարի բոլոր պաշտոնական պարտականությունները։
Բայդենի բժիշկ Քևին Օ’Քոնորը մամուլին ասել է, որ նախագահի մոտ մրսածություն և հազ է։ Օրվա սկզբին իրեն լավ էր զգում, բայց հետո թեստը ցույց է տվել, որ նա կրկին վարակվել է կորոնավիրուսով։
Լրագրողները, որոնք լուսաբանել են Բայդենի ուղևորությունը Լաս Վեգասում, ասում են, որ նա դանդաղ և զգույշ է քայլել դեպի ինքնաթիռ:
ԱՄՆ Դեմոկրատական կուսակցության բազմաթիվ առաջատար քաղաքական գործիչներ և այս կուսակցության համակիրներ Ջո Բայդենին կոչ են անում դուրս գալ նախագահական ընտրություններից։ Նրանց կարծիքով՝ ամերիկյան քաղաքականության 81-ամյա վետերանի առողջական վիճակը թույլ չի տա նրան հաջողությամբ պայքարել Դոնալդ Թրամփի դեմ, իսկ հաղթանակի դեպքում՝ ևս չորս տարի արդյունավետ աշխատել։
Բայդենը մինչ այժմ հրաժարվում է հանել իր թեկնածությունը նոյեմբերին կայանալիք ընտրություններից։
