07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Թուրքիայի պետբյուջեի դեֆիցիտը 2024 թվականի առաջին կիսամյակում հասել է 23,6 միլիարդ դոլարի
Քաղաքականություն
17.07.2024 | 23:30
2024 թվականի հունվար-հունիսին Թուրքիայի կառավարության կենտրոնական բյուջեի մնացորդն ունեցել է 747,2 միլիարդ լիրա (23,6 միլիարդ դոլար) դեֆիցիտ։ Այս մասին են վկայում Ֆինանսների նախարարության տվյալները, գրում են տեղական լրատվամիջոցները։
Բյուջեի եկամուտներն առաջին կիսամյակում հասել են 3,8 տրլն լիրայի (121,2 միլիարդ դոլար), մինչդեռ ծախսերը կազմել են 4,6 տրլն լիրա (144,8 միլիարդ դոլար):
Բյուջեի ոչ տոկոսային ծախսերը կազմել են 4,4 տրիլիոն լիրա, իսկ առաջնային դեֆիցիտը՝ 172,8 մլրդ լիրա։ Նախորդ տարվա նույն ժամանակահատվածում դեֆիցիտը կազմել է 483,23 մլրդ լիրա։ Առաջին կիսամյակում բյուջեի ծախսերը, 2023 թվականի համեմատ, աճել են 93,7 տոկոսով։ Մյուս կողմից, նախորդ տարվա նույն ժամանակահատվածի համեմատ, բյուջեի եկամուտներն աճել են 103,8 տոկոսով։
2024 թվականի հունվար-հունիսին հարկային հավաքագրումները կազմել են 3213 տրլն լիրա՝ նախորդ տարվա նույն ժամանակահատվածի համեմատ աճելով 100,5 տոկոսով։ Միայն հունիսին բյուջեի դեֆիցիտը կազմել է 275,3 մլրդ լիրա (8,5 մլրդ դոլար)։ Ցուցանիշը փոխվել է նախորդ ամսվա 219,4 միլիարդ լիրա (6,8 միլիարդ դոլար) ավելցուկից:
Բյուջեի եկամուտները կազմել են 591,2 միլիարդ լիրա (18,2 միլիարդ դոլար), մինչդեռ ծախսերը հունիսին կազմել են 866,5 միլիարդ լիրա (26,6 միլիարդ դոլար):
Էմմա Չոբանյան
