23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Հանդիպել են Թուրքիայի և Հունաստանի արտգործնախարարները
Քաղաքականություն
04.09.2018 | 16:15
Սեպտեմբերի 4-ին կայացել է Թուրքիայում Հունաստանի գլխավոր հյուպատոսության վերանորոգված շենքի բացման արարողությունը, որին մասնակցել են Թուրքիայի և Հունաստանի արտգործնախարարներ Մևլութ Չավուշօղլուն և Նիկոս Կոցիասը. փոխանցում է ermenihaber-ը:
Իզմիրում, որտեղ գտնվում է գլխավոր հյուպատոսությունը, լրագրողների հետ զրույցում երկու նախարարները խոսել են երկկողմ հարաբերություններին առնչվող հարցերից:
Թուրքիայի արտգործնախարարը նշել է, որ երկու ժողովուրդն էլ մշակութային անթիվ նմանություններ կան, հունարենում և թուրքերենում 5000 ընդհանուր բառ կա, որոնք էլ նրանց մերձեցնում են:
«Այո, օրեր եղել են, որ միմյանց չենք հասկացել, երբեմն փոթորկալից ժամանակներ ենք ապրել: Սակայն մենք որպես լուծում տեսնում ենք համագործակցությունը և երկխոսությունը»:
Նրա խոսքով` Հունաստանը թիրախ ընտրած հեղաշրջման մասնակիցներն ու դավաճանները Թուրքիայում տեղ չէին ունենա: Սա ասելով` Չավուշօղլուն նկատի է ունեցել այն, որ Հունաստանը հեղաշրջման 8 մասնակցի ապաստանելու իրավունք էր տվել:
Իսկ Հունաստանի արտգործնախարարը հայտնել է, որ հեղաշրջման փորձի ժամանակ եղել են Թուրքիայի կողքին և չնայած որոշ խնդիրերի, փորձում են զարգացնել երկկողմ հարաբերությունները:
