09.09.2026 | 15:33
ՊԵԿ-ը ստուգել է Նարեկ Նալբանդյանի բիզնեսները․ ՏԵՍԱՆՅՈւԹ
Լիտվան արգելել է բելառուսական համարանիշներով մեքենաների մուտքը
Քաղաքականություն
17.07.2024 | 17:52
Լիտվան հուլիսի 18-ից արգելելու է բելառուսական պետհամարանիշներով մեքենաների մուտքը երկիր։ Current Time-ի փոխանցմամբ՝ այս մասին հաղորդագրություն է հրապարակվել Լիտվայի մաքսատան կայքում։
Արգելքը վերաբերում է մարդատար ավտոմեքենաներին՝ անկախ դրանց տիրոջ կամ վարորդի քաղաքացիությունից։
Ավտոմեքենաները, որոնք արդեն գտնվում են Լիտվայում, պետք է դուրս բերվեն երկրից մինչև 2025 թվականի հունվարի 18-ը։ Եթե մեքենաների սեփականատերերը դա չանեն, կտուգանվեն, իսկ մեքենան կառգրավվի։
Մինչև 2024 թվականի օգոստոսի 16-ը թույլատրվում է բելառուսական պետհամարանիշներով մեքենաների մուտքը Լիտվա, որոնց տերերն ունեն վավեր վիզա կամ ժամանակավոր կեցության թույլտվություն և մեքենան վարում են անձնական նպատակներով (ոչ վաճառքի): Սահմանափակումները չեն տարածվի բելառուսական դիվանագիտական համարանիշներով մեքենաների վրա։
