06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Հայտնի է՝ ով կփոխարինի Տոյվո Կլաարին Հարավային Կովկասի հարցերով ԵՄ հատուկ ներկայացուցչի պաշտոնում
Քաղաքականություն
17.07.2024 | 14:45
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարին կփոխարինի Չեխայից Մագդալենա Գրոնոն։ Այս մասին հայտնում է ԵՄ-ում Չեխիայի մշտական ներկայացուցչությունը X-ում գրառմամբ։
«Քաղաքական և անվտանգության հարցերի հանձնաժողովը հենց նոր հաստատել է Չեխիայից Մագդալենա Գրոնոյին Հարավային Կովկասում և Վրաստանում ԵՄ հատուկ ներկայացուցիչ։ Թեկնածությունը պաշտոնապես կհաստատի ԵՄ խորհուրդը»,-ասվում է գրառման մեջ։
ԵՄ-ում ՀՀ ներկայացուցչության ղեկավար, դեսպան Տիգրան Բալայանը շնորհավորել է Գրոնոյին նշանակման կապակցությամբ։
«Շնորհավորում ենք Մագդալենա Գրոնոյին Հարավային Կովկասում և Վրաստանում ԵՄ հատուկ ներկայացուցչի պաշտոնում նշանակվելու կապակցությամբ։ Ակնկալում ենք սերտ համագործակցություն Գրոնոյի և նրա թիմի հետ»,- նշել է Բալայանը X-ի իր միկրոբլոգում։
Տոյվո Կլաարը Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ է նշանակվել 2017 թվականին։
Ավելի վաղ ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Ժոզեպ Բորելը Կլաարին առաջադրել էր Ուզբեկստանում ԵՄ դեսպանի պաշտոնում։
