07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
Թուրքիայում աղքատության շեմի ցուցանիշը հունիսին շուրջ 4 անգամ գերազանցել է նվազագույն աշխատավարձը
Քաղաքականություն
16.07.2024 | 23:01
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Թուրքիայի Միացյալ մետաղագործների միության (BİSAM) հետազոտական կենտրոնի 2024 թվականի հունիսի զեկույցի համաձայն՝ երկրում 4 հոգանոց ընտանիքի համար սովի և աղքատության շեմի ցուցանիշները գերազանցել են, համապատասխանաբար, 19,000 և 65,000 լիրան, գրում են տեղական լրատվամիջոցները։
Միայնակ մարդու համար աղքատության շեմի ցուցանիշը կազմում է ավելի քան 30,000 լիրա (1 ԱՄՆ դոլար = 33,04 թուրքական լիրա):
Առողջ սննդակարգ պահպանելու համար չորս հոգանոց ընտանիքը պետք է ամսական 19,044 լիրա ծախսի միայն սննդի վրա, որը BİSAM-ի կողմից կոչվում է «սովի գիծ»: Եթե ներառվեն կրթության, առողջության, բնակարանի և անհրաժեշտ այլ ծախսեր, այս թիվը կհասնի 65,874 լիրայի։ Մեկ անձից բաղկացած տնային տնտեսության պարագայում նվազագույն պահանջվող ծախսը կազմում է առնվազն 30,604 լիրա:
Թուրքիայում նվազագույն աշխատավարձը 17,000 լիրա է, իսկ ամենացածր կենսաթոշակը՝ 10,000 լիրա։
Աղքատության շեմը վերաբերում է այն ընդհանուր գումարին, որն անհրաժեշտ է չորս հոգուց բաղկացած ընտանիքին՝ առանց սննդից զրկված ապրելու և այլ ծախսեր վճարելու համար, ինչպիսիք են տան վարձավճարը և կոմունալ ծառայությունները:
BİSAM-ի տվյալները հրապարակվում են այն ֆոնին, երբ թուրքական կառավարությունը հայտարարել է, որ մտադիր չէ նվազագույն աշխատավարձը ժամանակավոր բարձրացնել՝ չնայած բարձր գնաճին, որը հունիսին կազմել է ավելի քան 70 տոկոս:
Էմմա Չոբանյան
