06.04.2026 | 18:01
Ղազախստանը բանակցություններ չի վարում Հայաստանի երկաթուղիների ռուսական կոնցեսիայի ձեռքբերման շուրջ
Մակրոնն այսօր երեկոյան կընդունի Ատալի կառավարության հրաժարականը․ BFMTV
Քաղաքականություն
16.07.2024 | 16:43
Ֆրանսիայի նախագահ Էմանուել Մակրոնն այսօր երեկոյան կընդունի վարչապետ Գաբրիել Ատալի գլխավորած կառավարության հրաժարականը, հայտնում է BFMTV-ն՝ հղում անելով իր աղբյուրներին։
«Ֆրանսիայի նախագահը մինչև այսօր երեկոյան կընդունի Գաբրիել Ատալի կառավարության հրաժարականը»,- հաղորդում է հեռուստաալիքը։
Ֆրանսիայում ավարտված խորհրդարանական ընտրություններից հետո երկրի կաբինետի ղեկավար Ատալը, ավանդույթի համաձայն, հրաժարականի դիմում էր ներկայացրել Մակրոնին, սակայն նախագահը չէր ընդունել այն՝ պատճառաբանելով երկրում կայունություն ապահովելու անհրաժեշտությունը։
Խորհրդարանի արտահերթ ընտրություններում հաղթել է ձախակողմյան «Նոր ժողովրդական ճակատ» կոալիցիան՝ Ազգային ժողովում ստանալով 182 մանդատ՝ 577-ից։ Նախագահ Մակրոնի «Միասին հանուն հանրապետության» կոալիցիան զբաղեցրել է երկրորդ տեղը՝ ստանալով 168 մանդատ։ Աջակողմյան «Ազգային հանրահավաք» կուսակցությունն իր հանրապետական դաշնակիցներով ստացել է 143 մանդատ։
