23.06.2026 | 16:24
Որերորդ դեպքն է` համայնքային կառույցի աշխատակիցները հարձակվում, ծեծում են ավագանու անդամներին. Թորոսյան
ԵԽ պատգամավորները պահանջում են Հունգարիային զրկել ԵՄ-ում ձայնի իրավունքից․ Politico
Քաղաքականություն
16.07.2024 | 15:27
Եվրախորհրդարանի անդամները պահանջում են Հունգարիային զրկել ԵՄ-ում ձայնի իրավունքից՝ այդ երկրի վարչապետ Վիկտոր Օրբանի՝ Ռուսաստան և Չինաստան կատարած այցերից հետո: Նրանց նամակի հետ ծանոթացել է Politico-ն։
Նշվում է, որ 63 եվրապատգամավորներ դիմել են Եվրահանձնաժողովի նախագահ Ուրսուլա ֆոն դեր Լեյենին, Եվրոպական խորհրդի նախագահ Շառլ Միշելին և Եվրախորհրդարանի ղեկավար Ռոբերտա Մեցոլային՝ ասելով, որ Հունգարիայի վարչապետ Վիկտոր Օրբանն «արդեն զգալի վնաս է հասցրել՝ օգտագործելով և չարաշահելով Խորհրդում նախագահության դերը»։
Հունգարիան հուլիսի 1-ին ստանձնել է ԵՄ նախագահությունը։ Այդ ժամանակից ի վեր Օրբանը սկսել է ինքնահռչակ «խաղաղարար առաքելություններ» դեպի Կիև, Մոսկվա, Պեկին և Վաշինգտոն ու առանց թույլտվության հայտարարել է, որ ներկայացնում է ԵՄ-ն:
«Սա պահանջում է իրական գործողություններ, ինչպիսիք են Հունգարիայի՝ Խորհրդում ձայնի իրավունքի կասեցումը, քանի որ պրակտիկան ցույց է տվել, որ այս իրավիճակի ուղղակի բանավոր դատապարտումը որևէ ազդեցություն չունի»,- նշում են Եվրախորհրդարանի պատգամավորները:
Նամակը կազմել են Եվրախորհրդարանի պատգամավորները մի շարք խորհրդարանական խմբերից, այդ թվում՝ Եվրոպական ժողովրդական կուսակցությունից (ԵԺԿ), «Նորացվող Եվրոպա» և Կանաչների կուսակցություններից։
