22.11.2024 | 21:14
Ժաննա Անդրեասյանը հայ պարարվեստի մեծ երախտավոր Նորայր Մեհրաբյանին պարգևատրել է ԿԳՄՍՆ մեդալով
Ադրբեջանում ոստիկանը թմրանյութ է գցել քաղաքացու գրպանը, ապա ծեծի ենթարկել ու ձերբակալել նրան
Քաղաքականություն
16.07.2024 | 22:33
Սոցցանցերի ադրբեջանական տիրույթում տեսանյութ է տարածվում, թե ինչպես է ոստիկանության կապիտանը քաղաքացու գրպանը թմրանյութ գցում, ապա ծեծում ու ձերբակալում նրան։ Դեպքը տեղի է ունեցել առևտրի կենտրոններից մեկի մոտ։ Տեսանյութում երևում է, որ քաղաքացիական հագուստով մեկը թիկունքից մոտենում է մի տղամարդու և ակնհայտորեն ինչ-որ բան դնում նրա գրպանը։
Սկսվում է ծեծկռտուք, մոտեցած քաղաքացիական հագուստով ևս մի քանի ոստիկաններ ձեռնաշղթաներ են հագցնում տղամարդուն:
Ըստ տարածվող տեղեկությունների՝ ոստիկանության կապիտանը Բահթիյար Աբբասովն է, MMA մարզիկ, եղել է Ադրբեջանի մարտական սամբոյի հավաքականի անդամ, աշխարհի չեմպիոնի։ Նշվում է նաև, որ նա երկար տարիներ աշխատում է ոստիկանությունում։
2021 թվականին Աբբասովին ոստիկանության կապիտանի կոչում է շնորհվել ներքին գործերի նախարար, գեներալ-գնդապետ Վիլայաթ Էյվազովի հրամանով։ Կոչման վաղաժամկետ շնորհման պատճառը եղել է Աբբասովի մասնակցությունը Արցախյան 44-օրյա պատերազմին։
ՆԳՆ-ից դեռևս չեն մեկնաբանել համացանցում տարածվող տեսանյութը։
