15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Սերգեյ Լավրովը Նյու Յորք է ժամանել
Քաղաքականություն
16.07.2024 | 14:04
ՌԴ ԱԳ նախարար Սերգեյ Լավրովը ժամանել է Նյու Յորք, հայտնում է ՏԱՍՍ-ը։
Լավրովը, որպես ՄԱԿ-ի Անվտանգության խորհրդի նախագահ, նախարարական բանավեճ կանցկացնի «Բազմակողմ համագործակցություն՝ ի շահ ավելի արդար, ժողովրդավարական և կայուն աշխարհակարգի ստեղծման» թեմայով, իսկ հուլիսի 17-ին տեղի կունենա նախարարների հանդիպում Մերձավոր Արևելքում ստեղծված իրավիճակի վերաբերյալ, ներառյալ՝ Պաղեստինի հարցը։
Ռուսական պետական լրատվականը նշում է, որ ՌԴ ԱԳՆ ղեկավարի ինքնաթիռը Մոսկվա-Նյու Յորք հեռավորությունը հաղթահարել է հյուսիսային երթուղով՝ շրջանցելով «ոչ բարեկամական» երկրները և թռչելով ավելի քան 12 ժամ։ Թռիչքի ընթացքում չնախատեսված հանգամանքներ չեն եղել։
Նախատեսվում են մի քանի երկկողմ հանդիպումներ, որոնց ընթացքում կքննարկվեն միջազգային և տարածաշրջանային օրակարգի ընթացիկ հարցեր, այդ թվում՝ Մերձավոր Արևելքում և Գազայում իրավիճակը, ուկրաինական ճգնաժամը և ՄԱԿ-ի կանոնադրության պաշտպանությանն ուղղված ջանքերը։
