09.09.2026 | 15:33
ՊԵԿ-ը ստուգել է Նարեկ Նալբանդյանի բիզնեսները․ ՏԵՍԱՆՅՈւԹ
Ուկրաինան ոչնչացրել է առնվազն 100 տանկ, որոնք Պուտինն «աշխարհի լավագույններից» էր անվանում
Քաղաքականություն
16.07.2024 | 17:23
Թեև Ուկրաինայում ռազմական տեխնիկայի ահռելի կորուստների պատճառով ռուսական բանակը ստիպված էր ռազմաճակատ ուղարկել անգամ 1950-1960-ական թվականների տանկեր ու վերազինել պահեստներից վերցված հազարավոր մեքենաներ, ժամանակակից տեխնիկան նույնպես մասնակցում է մարտերին։ Եվ նույնպես ոչնչացվում է մեծ թվով, չնայած այն գովասանական ձոներին, որոնք դրանց նվիրաբերում են Կրեմլի քարոզիչներն ու հենց ինքը երկրի ղեկավարը։
Ըստ Oryx կայքի հաշվարկների՝ Ռուսաստանը կորցրել է իր հարյուր առաջատար T-90M տանկերը: Oryx-ը հաշվի է առնում միայն փաստաթղթավորված կորուստները, ինչը նշանակում է, որ իրականում ռուսական բանակը կարող էր կորցնել պատերազմին մասնակցած 100-ից ավելի ժամանակակից տանկեր, գրում է The Moscow Times-ը։
Տանկի արժեքը, դատելով Ռուսաստանի կողմի կնքած արտահանման պայմանագրերից, տատանվում է 2,5-4,3 միլիոն դոլարի սահմաններում (կախված հագեցվածությունից): Այսպիսով, Պուտինի բանակն ուկրաինական մարտադաշտում թողել է 25-430 մլն դոլար։
Վլադիմիր Պուտինը մի քանի անգամ T-90M-ն անվանել է աշխարհի լավագույն տանկը։
