Քաղաքականություն
16.07.2024 | 13:55
Սիրիայի նախագահ Բաշար ալ-Ասադը հայտարարել է, որ պատրաստ է հանդիպել Թուրքիայի նախագահ Ռեջեփ Թայիփ Էրդողանին, բայց դա կախված է քննարկումների «բովանդակությունից»։ Ասադը նշել է, որ Անկարայի ներկայությունն իր երկրում առանցքային հակամարտություն է, գրում է AFP-ն։
«Եթե հանդիպումը տանի արդյունքների կամ համապատասխան է մեր երկրի շահերին, ես դա կանեմ: Բայց խնդիրը հանդիպման բովանդակության մեջ է։ Մենք դրական ենք վերաբերվում հարաբերությունները բարելավելու ցանկացած նախաձեռնությանը, բայց դա չի նշանակում, որ մենք կգնանք հանդիպման առանց կանոնների»,- ասել է Ասադը Դամասկոսում լրագրողների հետ հանդիպմանը։
Էրդողանն ավելի վաղ հայտարարել էր, որ կարող է Ասադին «ցանկացած պահի» հրավիրել Թուրքիա՝ ի նշան հաշտության այն բանից հետո, երբ երկու երկրների միջև հարաբերությունները սրվել են 2011 թվականին Սիրիայում բռնկված պատերազմի պատճառով:
