15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Բրիտանիան ու ԵՄ-ն ցանկանում են ուժեղացնել վերահսկողությունը ռուսական նավթատար նավերի նկատմամբ. Bloomberg
Քաղաքականություն
16.07.2024 | 17:02
Մեծ Բրիտանիայի կառավարությունը մտադիր է այս շաբաթ դիմել Եվրամիությանը, որպեսզի ուժեղացնի վերահսկողությունը Ռուսաստանի «ստվերային նավատորմի» նկատմամբ։ Այս մասին գրում է Bloomberg-ը՝ վկայակոչելով իր աղբյուրներին։
Այս հարցը նախատեսվում է քննարկել Եվրոպական քաղաքական համայնքի հանդիպման շրջանակում, որը հուլիսի 18-ին կհյուրընկալի Մեծ Բրիտանիայի վարչապետ Քիր Սթարմերը։ Նշվում է, որ Ռուսաստանի Դաշնությունն օգտագործում է «ստվերային նավատորմի» նավթատարներ՝ պատժամիջոցները շրջանցելու համար։
Վերջնական հայտարարության նախագծի համաձայն, որին ծանոթացել է պարբերականը, մի շարք եվրոպական երկրներ կաջակցեն «ստվերային նավատորմի» դեմ ուղղված միջոցառումներին։ Դրանք ուղղված են լինելու ռուսական նավթով բեռնված նավերի մասին տեղեկատվության փոխանակմանը և գործողությունների համակարգմանը։
Դեռևս հայտնի չէ այն երկրների թիվը, որոնք մտադիր են աջակցել Մեծ Բրիտանիայի առաջարկին։ Bloomberg-ի անանուն աղբյուրը հայտնել է, որ հնարավոր միջոցները կարող են ներառել ռուսական նավթ տեղափոխող լցանավերի մեծ մասի դեմ պատժամիջոցներ:
Հունիսի վերջին Եվրամիությունն ընդունել է Ռուսաստանի դեմ պատժամիջոցների 14-րդ փաթեթը։ Սահմանափակող միջոցների թվում են պատժամիջոցները «ստվերային նավատորմի» 27 նավերի նկատմամբ, որոնք օգտագործվում են նավթի և նավթամթերքի գների վերին շեմը շրջանցելու համար։ Ավելի ուշ Bloomberg-ը գրել է, որ պատժամիջոցների տակ գտնվող ռուսական նավթատարներն ամիսներ շարունակ անգործության էին մատնված նավահանգիստներում։
