05.04.2026 | 19:49
Հույս ունեմ, որ այս գիշեր «Բուշեր» օդանավակայանից տարհանված աշխատակիցները կհասնեն Հայաստան․ «Ռոսատոմ»-ի ղեկավար
Ադրբեջանի պաշտպանության նախարարը Ղազախստանում է
Քաղաքականություն
16.07.2024 | 13:20
Ադրբեջանի պաշտպանության նախարար Զաքիր Հասանովն այցով Ղազախստանում է։ Ադրբեջանի ՊՆ հաղորդմամբ՝ Հասանովը Ղազախստանի պաշտպանության նախարար, գեներալ-գնդապետ Ռուսլան Ժակսիլիկովի հրավերով այցելել է երկիր՝ հետևելու «Բիրլեստիկ-2024» միջազգային օպերատիվ-մարտավարական հրամանատարաշտաբային զորավարժություններին։
Ակտաուի միջազգային օդանավակայանում Հասանովին դիմավորել է Ղազախստանի պաշտպանության նախարարը։
Այցի ընթացքում Հասանովը դիտելու է զորավարժությունների դրվագները, որոնք անցկացվելու են «Օյմաշա» զորավարժարանում և Կասպից ծովի Թոքմակ հրվանդանում։
Հավելենք, որ զորավարժությունները մեկնարկել են հուլիսի 8-ին։ Դրանց մասնակցում են Ադրբեջանի, Ղազախստանի, Ղրղզստանի, Տաջիկստանի և Ուզբեկստանի զինվորականները։
