30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թրամփը պաշտոնապես առաջադրվել է ԱՄՆ նախագահի թեկնածու․ փոխնախագահի թեկնածուն սենատոր Վենսն է
Քաղաքականություն
16.07.2024 | 10:56
ԱՄՆ Հանրապետական կուսակցությունը պաշտոնապես առաջադրել է Դոնալդ Թրամփին որպես նախագահի թեկնածու։ Այս մասին հայտարարվել է կուսակցության համագումարի առաջին օրը, որը տեղի է ունենում Միլուոքիում (Վիսքոնսին նահանգ), գրում է Current time-ը։
Թրամփն իր հերթին փոխնախագահի թեկնածու է առաջադրել Օհայո նահագի 39-ամյա սենատոր Ջեյմս Դեյվիդ Վենսին։
«Որպես փոխնախագահ՝ Ջեյ Դին կշարունակի պայքարել մեր Սահմանադրության համար, կկանգնի մեր զորքերի կողքին և կանի ամեն ինչ՝ օգնելու ինձ Ամերիկան մեծ դարձնել»,- գրել է Թրամփը Truth Social սոցիալական ցանցում։
Վենսը 2016 թվականին Թրամփի կատաղի քննադատն էր։ Նա նախագահի թեկնածուին հրապարակավ անվանել էր «ապուշ»։ Այնուհետև, սակայն, նա դարձել է Թրամփի հավատարիմ համախոհներից մեկը՝ աջակցելով նրան նույնիսկ այն ժամանակ, երբ մյուս բարձրաստիճան հանրապետականները հրաժարվում էին դա անել։ Նա նաև այն սենատորների թվում է, որոնք դեմ էին Ուկրաինային օգնության տրամադրմանը:
Հանրապետականների համագումարը բացվել է Դոնալդ Թրամփի դեմ մահափորձից երկու օր անց՝ Փենսիլվանիայում նախընտրական հանրահավաքի ժամանակ, և մի քանի ժամ անց այն բանից հետո, երբ Ֆլորիդայի դատավորը փակել է ապօրինի գաղտնի փաստաթղթեր պահելու համար նրա դեմ հարուցված գործը:
Մահափորձից հետո Թրամփը հայտարարել էր, որ վերանայում է իր ելույթը՝ ընդգծելու ազգային միասնությունը, այլ ոչ թե Բայդենի հետ տարաձայնությունները։
ԱՄՆ նախագահական ընտրությունները նախատեսված են 2024 թվականի նոյեմբերի 5-ին։
