Քաղաքականություն
15.07.2024 | 20:41
Ադրբեջանի !կոնոմիկայի նախարարությունը ռուսական ընկերություններից հայտեր է ստացել Արցախում 24 նախագծերում աշխատելու համար։ Այս մասին հայտարարել է Ադրբեջանի էկոնոմիկայի փոխնախարար Սահիբ Ալեքպերովը՝ ելույթ ունենալով Կովկասի ներդրումային ֆորումի շրջանակում «Կովկասի մրցակցային առավելությունները Եվրասիայի գործընկերների հետ միջազգային համագործակցության զարգացման համար» կլոր սեղանի ժամանակ, փոխանցում է ՏԱՍՍ-ը։
«Մենք ակնկալում ենք ռուսական ընկերությունների ակտիվ մասնակցությունն իրականացվող նախագծերին, ինչը, անշուշտ, կնպաստի Ադրբեջանի և Ռուսաստանի միջև գործընկերային կապերի հետագա ամրապնդմանը։ Մինչ այժմ Ադրբեջանի Էկոնոմիկայի նախարարությունը հայտ է ստացել 24 նախագծերի համար ռուսական ընկերություններից՝ ազատագրված տարածքներում աշխատելու համար»,- ասել է Ալեքպերովը։
Նա հայտարարել է, որ այնտեղ գործող ընկերություններին տրամադրվում են «շատ բարենպաստ արտոնություններ»։
