11.08.2026 | 14:21
Ասեք՝ Սահմանադրության նոր տեքստում Անկախության հռչակագրին հղումը հանվա՞ծ է․ Գրիգորյանը՝ Ջուլհակյանին․ ՏԵՍԱՆՅՈՒԹ
Ադրբեջանի խորհրդարանական ընտրություններում հաստատվել է 261 թեկնածու
Քաղաքականություն
15.07.2024 | 18:52
Սեպտեմբերի 1-ին Ադրբեջանում նախանշված արտահերթ խորհրդարանական ընտրություններին 119 ընտրատարածքներում 431 մարդ թեկնածության հայտ է ներկայացրել։ Ադրբեջանական լրատվամիջոցների հաղորդմամբ՝ այս մասին ԿԸՀ նիստում ասել է հանձնաժողովի նախագահ Մազահիր Փանահովը։
Նա հայտարարել է, որ հաստատվել է 261 անձի թեկնածությունը, իսկ 213 հոգու ստորագրության թերթիկներ են տրվել։ Միաժամանակ, 9 հոգի վերադարձրել է ստորագրության թերթիկը։
Հիշեցնենք՝ հունիսի 28-ին Ադրբեջանի նախագահ Իլհամ Ալիևը հրամանագիր էր ստորագրել երկրի վեցերորդ գումարման Միլլի Մեջլիսը ցրելու և արտահերթ ընտրություններ նշանակելու մասին։ Ալիևը խորհրդարանի արտահերթ ընտրությունները նշանակել է 2024 թվականի սեպտեմբերի 1-ին։ Երկրի Սահմանադրական դատարանի պլենումն ավելի վաղ քննարկել էր Ալիևի դիմումը Միլլի Մեջլիսը ցրելու և արտահերթ ընտրություններ նշանակելու վերաբերյալ՝ որոշելով, որ այն համապատասխանում է Սահմանադրությանը։
