29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Թուրքիայում ձերբակալվել է հեղաշրջման կազմակերպիչների հետ կապեր ունեցող ավելի քան 70 կասկածյալ
Քաղաքականություն
15.07.2024 | 15:35
Թուրքիայում ավելի քան 70 մարդ է ձերբակալվել արգելված FETO կազմակերպության հետ կապեր ունենալու կասկածանքով, որը տեղական իշխանությունները համարում են ահաբեկչական և մեղադրում 2016 թվականի հեղաշրջման փորձի մեջ։ Այս մասին հայտարարել է հանրապետության ՆԳՆ ղեկավար Ալի Էրլիկայան։
«FETO-ի դեմ 27 նահանգներում իրականացված գործողության արդյունքում չորս օրվա ընթացքում ձերբակալվել է ահաբեկչական կազմակերպության հետ կապեր ունեցող 74 կասկածյալ»,- նախարարի խոսքերն է մեջբերում TRT հեռուստաալիքը։
Թուրքիայում հուլիսի 15-ը հայտարարվել է պետական տոն՝ Ժողովրդավարության և ազգային միասնության օր՝ ի հիշատակ 2016 թվականի իրադարձությունների, երբ մի խումբ զինվորականներ և քաղաքացիական դավադիրներ հեղաշրջման փորձ կատարեցին՝ տապալելու օրինական կառավարությունը և նախագահին։ Երկօրյա դիմակայության արդյունքում զոհվել է ավելի քան 250 մարդ, վիրավորվել՝ 2,2 հազարը։
Թուրքիայի իշխանությունները հեղաշրջումը կազմակերպելու մեջ մեղադրում են FETO կազմակերպության առաջնորդ քարոզիչ Ֆեթուլլահ Գյուլենին։
Գյուլենը երկար տարիներ ապրում է ԱՄՆ-ում։ Թուրքիայի նախագահ Ռեջեփ Թայիփ Էրդողանը բազմիցս հայտարարել է, որ Անկարան կհետապնդի FETO-ի կողմնակիցներին այնքան ժամանակ, քանի դեռ նրանցից վերջինը պատասխանատվության չի ենթարկվել։
