07.10.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
Էրդողանը հայտարարել է, որ չեն ների հուլիսի 15-ը «թատրոն» անվանողներին. Թուրքիայում ռազմական հեղաշրջման փորձից անցել է 8 տարի
Քաղաքականություն
15.07.2024 | 16:41
8 տարի է անցել Թուրքիայում 2016 թվականի հուլիսի 15-ի ռազմական հեղաշրջման փորձից, որի կազմակերպման համար իշխանությունները մեղադրում են կրոնական գործիչ Ֆեթուլլահ Գյուլենի FETÖ շարժմանն ու նրա կողմնակիցներին։ Օրվա կապակցությամբ Թուրքիայի նախագահ Ռեջեփ Թայիփ Էրդողանը կնոջ հետ այցելել է Ստամբուլում հուլիսի 15-ի նահատակների հուշարձանին ու հանդես եկել ելույթով։
«Նրանք, որոնք հուլիսի 15-ի մասով տարածում են այս ստոր զրպարտություններ, այն արյունալի խաղի խամաճիկներն են, որոնք ցանկանում են խաղալ Թուրքիայում, և այն մեծ թատրոնը, որը ցանկանում են բեմադրել: Մեր ժողովուրդը կշարունակի ընդդիմանալ յուրաքանչյուր խաղի, որը ոտնահարում է իր անկախությունը և փորձում է խաթարել նրա կամքը։ Այսօր ուզում եմ ևս մեկ անգամ շնորհակալություն հայտնել բոլոր նրանց, որոնք հեղաշրջման փորձի առաջին իսկ պահերից, չսպասելով մեր կոչին, շտապեցին փողոցներ ու հրապարակներ՝ դիմադրելու դավաճաններին։ Միայն կամրջի վրա մենք կորցրել ենք մեր երկրի 34 որդու, այդ թվում՝ երկու ոստիկանի»,- ասել է Էրդողանը։
«Մենք չենք ների հուլիսի 15-ը «խաղ» անվանողներին, «թատրոն» անվանողներին, նրանց, որոնք այն «դավադրություն» են անվանում»,- հայտարարել է Թուրքիայի նախագահը։
