11.08.2026 | 10:33
Աննա Մկրտչյանի հայրը՝ Քասախի նախկին ղեկավարը կալանավորվել է
Պեսկովը հայտարարել է, որ Պուտինը չի շփվել Թրամփի հետ մահափորձից հետո
Քաղաքականություն
15.07.2024 | 15:09
ՌԴ նախագահ Վլադիմիր Պուտինը մահափորձից հետո կապ չի ունեցել ԱՄՆ նախկին նախագահ, նախընտրական արշավի մասնակից Դոնալդ Թրամփի հետ, նման զրույց դեռ նախատեսված չէ։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Ոչ, նա կապ չի հաստատել, որևէ շփում չի ծրագրվում»,- ասել է Պեսկովը։
Խոսելով Թրամփի դեմ մահափորձին Պուտինի արձագանքի մասին՝ նա հիշեցրել է, որ Կրեմլը երեկ հայտարարություն է տարածել։ Ռուսաստանի իշխանությունները դատապարտել են հարձակումը՝ ասելով, որ իրենք դեմ են քաղաքական պայքարում բռնության ցանկացած ձևի:
Նշենք, որ ԱՄՆ նախկին նախագահ, հանրապետական Դոնալդ Թրամփի վրա կրակել էին հուլիսի 13-ին Փենսիլվանիայի Բաթլեր քաղաքում նախընտրական հանրահավաքում ելույթի ժամանակ։ Գնդակը դիպել էր նրա ականջին։ Ենթադրյալ հարձակվողը Փենսիլվանիայի Բեթել-Պարկի բնակիչ, 20-ամյա Թոմաս Մեթյու Քրուքսն է։ Նա սպանվել է անվտանգության ուժերի կողմից:
