22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Հրաշք է տեղի ունեցել․ Թրամփը՝ իր փրկվելու մասին
Քաղաքականություն
15.07.2024 | 10:22
ԱՄՆ հատուկ ծառայությունը ֆանտաստիկ աշխատանք է կատարել՝ առաջին փորձից վերացնելով կրակողին․ ասել է ԱՄՆ նախկին նախագահ, նախագահի թեկնածու Դոնալդ Թրամփը New York Post-ին տված հարցազրույցում։
«Կարող էի մահանալ մահափորձի ժամանակ, բայց հրաշք է տեղի ունեցել»,- ասել է Թրամփը։
Հիշեցնենք, որ երեկ Դոնալդ Թրամփի նկատմամբ մահափորձ էր տեղի ունեցել։
Թրամփի ելույթը Բաթլեր քաղաքում համախոհների առջև տևել էր ընդամենը մի քանի րոպե և անսպասելիորեն ընդհատվել էր․ հանկարծ կրակոցներ էին լսվել, որից հետո բեմում գտնվող Թրամփը լռել էր, ձեռքը մոտեցրել ականջին ու նստել ամբիոնի մոտ։
Միջադեպից ժամեր անց Թրամփը X—ում գրառում էր կատարել․
«Ուզում եմ շնորհակալություն հայտնել Միացյալ Նահանգների գաղտնի ծառայությանը և իրավապահ մարմիններին՝ Փենսիլվանիայի Բաթլեր քաղաքում տեղի ունեցած հրաձգությանը արագ արձագանքելու համար: Ամենակարևորը՝ ուզում եմ իմ ցավակցությունը հայտնել հանրահավաքում զոհվածի ընտանիքին, ինչպես նաև ծանր վիրավորի ընտանիքին։ Անհավատալի է, որ նման արարք կարող է տեղի ունենալ մեր երկրում։ Այս պահին ոչինչ հայտնի չէ կրակողի մասին, որն այժմ մահացած է։ Ինձ վրա կրակել են և աջ ականջիս վերին հատվածը ծակվել է գնդակից։ ․․․ ԱՍՏՎԱԾ ՕՐՀՆԻ ԱՄԵՐԻԿԱՆ» ։
