07.10.2026 | 19:12
Թուրքական նավերի վրա հարձակումներից հետո Էրդողանը Պուտինի հետ Սև ծովում անվտանգության հարցն է քննարկել
Մոսկվան անհանգստացած է ԱՄՆ պաշտոնյաների՝ Հայաստան պարբերական այցերից
Քաղաքականություն
12.07.2024 | 20:05
ԱՄՆ-ն աննախադեպ եռանդով ձեռնամուխ է եղել Հայաստանին, և ամերիկացի պաշտոնյաների այցերը Երևան անցել են էստաֆետի տեժիմի։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ Մոսկվայի մտահոգությունը հայտնելով ԱՄՆ պաշտոնյաների Հայաստան այցերի կապակցությամբ։
Նա նշել է, թե նախկինում այցերի նման ակտիվություն չի եղել, չնայած Հայաստանը նախկինում շատ դժվար պահեր է ապրել, և «անհասկանալի է, թե ինչու ԱՄՆ-ն այդ ժամանակ այդքան մեծահոգություն չի ցուցաբերել»։
«Փոխայցերը դրվել են էստաֆետային ռեժիմի վրա, օրերս Հայաստան է այցելել Միջազգային զարգացման գործակալության ղեկավար Սամանթա Փաուերը։ Այնտեղ, որտեղ Սամանթա Փաուերն է, այնտեղ հաջողությունն է։ Նա կրկին ազդարարել է օգնության մասին։ Հարցը նրանում է, թե դրանից ինչը կտրամադրվի։ Ամերիկացիները շատերին են նման օգնություն խոստացել, մասնավորապես՝ Սերբիային։ Բայց Սերբիան ոչինչ չի ստացել։ Գուցե, Հայաստանի ոչ ներկայիս իշխանությունները, սակայն օգնության համար ստիպված կլինեն վճարել»,- հայտարարել է ՌԴ ԱԳՆ ներկայացուցիչը։
