Քաղաքականություն
12.07.2024 | 11:37
Վաշինգտոնում ՆԱՏՕ-ի գագաթնաժողովի շրջանակում տեղի է ունեցել Ֆրանսիայի նախագահ Էմանուել Մակրոնի և Թուրքիայի նախագահ Ռեջեփ Թայիփ Էրդողանի հանդիպումը։ Ըստ ֆրանսիական կողմի հաղորդագրության՝ Մակրոնը վերահաստատել է Փարիզի աջակցությունը Հայաստանի և Ադրբեջանի միջև ընթացող երկխոսությանը՝ հնարավորինս արագ խաղաղության պայմանագրի կնքման նպատակով, որը կարող է նոր էջ բացել տարածաշրջանում:
Թուրքական կողմի տարածած հաղորդագրության մեջ Հայաստան-Ադրբեջան կարգավորման գործընթացի վերաբերյալ հիշատակում չկա։
Նշվում է, որ հանդիպմանը քննարկվել են Թուրքիայի և Ֆրանսիայի միջև երկկողմ հարաբերությունները, Ուկրաինայում ատերազմը, Իսրայելի հարձակումները Պաղեստինի վրա, ինչպես նաև տարածաշրջանային և գլոբալ խնդիրներ:
Կարևորելով Թուրքիայի և Ֆրանսիայի միջև բոլոր ոլորտներում հարաբերությունների ամրապնդումը՝ Էրդողանն ասել է, որ անհրաժեշտ է ակտիվացնել Եվրամիությանը Թուրքիայի անդամակցության գործընթացը, ակնկալվում է, որ Թուրքիան այդ կերպ աջակցություն կստանա։
Նա նաև ասել է, որ Արևմուտքի աջակցությունը Իսրայելին հրադադարի հարցում կնպաստի տարածաշրջանային և համաշխարհային խաղաղությանը և հավելել, որ Ֆրանսիայի համար ձեռնտու կլինի կոնկրետ քայլեր ձեռնարկել այդ ուղղությամբ։
