01.11.2024 | 15:31
Իսրայելն ավիահարվածներ է հասցրել Բեյրութին՝ ԱՄՆ-ի կողմից հրադադարի հաստատման ջանքերի ֆոնին
Ֆրանսիայում հրհդեհվել է Ռուանի հայտնի տաճարի աշտարակը
Քաղաքականություն
11.07.2024 | 21:33
Ֆրանսիայի Ռուան քաղաքում հրդեհվել է հանրահայտ գոթական տաճարի սրածայր աշտարակը։ BFMTV-ի հաղորդմամբ՝ քաղաքապետ Նիկոլա Մայեր-Ռոսինյոլը նշել է, որ հրդեհի պատճառն անհայտ է։
Նշվում է, որ տաճարի աշտարակում շինարարական աշխատանքներ էին իրականացվում։ Տաճարի այցելուները տարհանվել են։
Լրատվամիջոցները հայտնում են, որ հրդեհը հաջողվել է վերցնել վերահսկողության տակ և արդեն մարվել է։
Ռուանի գոթական տաճարը Ֆրանսիայի ազգային ժառանգության հուշարձաններից է, կառուցվել է XII–XVI դարերում։ Մայր տաճարի բարձրությունը 151 մետր է։ Տաճարի ամենահին հատվածը Սեն-Ռոմեն աշտարակն է, որը կառուցվել է 1145 թվականին։ Այն ամբողջությամբ այրվել է 1944 թվականի հունիսի 1-ին ռմբակոծությունից հետո, տաճարը մեծ վնաս է կրել և հետագայում վերականգնվել է:
1876-1880 թվականներին այն եղել է աշխարհի ամենաբարձր կառույցը (151 մ)՝ այդ տիտղոսը հետագայում զիջելով Քյոլնի տաճարին։
