12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Սոբյանինը հայտնել է Մոսկվայի մոտ ԱԹՍ-ի ոչնչացման մասին
Քաղաքականություն
11.07.2024 | 15:55
Մոսկվայի քաղաքապետ Սերգեյ Սոբյանինը հայտնել է, որ գիշերը Մոսկվայի մարզի Ստուպինո քաղաքի մոտ հակաօդային պաշտպանության ուժերը անօդաչու թռչող սարք են խոցել։
«Պաշտպանության նախարարության հակաօդային պաշտպանության ուժերը Ստուպինո քաղաքային շրջանում հետ են մղել Մոսկվայի ուղղությամբ թռչող անօդաչու թռչող սարքի հարձակումը։ Նախնական տվյալներով՝ բեկորների ընկնելու վայրում ավերածություններ կամ զոհեր չկան։ Դեպքի վայրում աշխատում են շտապ օգնության մասնագետները»,-գրել է նա տելեգրամի իր ալիքում։
Բելգորոդի շրջանի նահանգապետ Վյաչեսլավ Գլադկովն էլ հայտնել է, որ Շեբեկինսկի քաղաքային շրջանի Ռժևկա գյուղը ենթարկվել է անօդաչու սարքերի հարձակմանը։ Մեքենայի վրա անօդաչու թռչող սարք է հարձակվել, մարդ է զոհվել։ Մեքենայի վրա մեկ այլ անօդաչու թռչող սարքի հարձակման հետևանքով էլ երեք տղամարդ է վիրավորվել։
ՌԴ ՊՆ-ն էլ հայտնում է, որ ռուսական հակաօդային պաշտպանության ուժերը որսացել և ոչնչացրել են ուկրաինական հինգ անօդաչու թռչող սարք։ Երկու անօդաչու թռչող սարք է ոչնչացվել Բրյանսկի, մեկական՝ Տամբովի, Տուլայի և Մոսկվայի շրջաններում։
