09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
Կիևը ցանկանում է խաղաղության 2-րդ գագաթնաժողովն անցկացնել ԱՄՆ ընտրություններից առաջ և հրավիրել ՌԴ-ին
Քաղաքականություն
11.07.2024 | 13:33
Ուկրաինան ցանկանում է խաղաղության երկրորդ գագաթնաժողովն անցկացնել 2024 թվականի նոյեմբերին կայանալիք ԱՄՆ նախագահական ընտրություններից առաջ։ Այս մասին հայտնում է Bloomberg-ը, որին վկայակոչում է Meduza-ն։
Երկրորդ գագաթնաժողովին, ի տարբերություն առաջինի, ուկրաինական կողմը պատրաստվում է հրավիրել Ռուսաստանի ներկայացուցիչներին։ Լրատվամիջոցին այս մասին հայտնել են հանդիպման կազմակերպմանը մոտ կանգնած աղբյուրները։
Միաժամանակ, որոշ ամերիկացի պաշտոնյաներ կասկածներ են հայտնել, որ մոտ ապագայում կարող է Ռուսաստանի մասնակցությամբ խաղաղության գագաթնաժողով տեղի ունենալ։ Կիևում Meduza-ի զրուցակիցը հաստատել է ուկրաինական իշխանությունների ցանկությունը՝ փորձել երկրորդ գագաթնաժողովն անցկացնել ԱՄՆ նախագահական ընտրություններից առաջ։ Նա ևս կասկած է հայտնել, որ Ռուսաստանի մասնակցությունը դրան հնարավոր կլինի։
ՌԴ ԱԳ փոխնախարար Միխայիլ Գալուզինը, մեկնաբանելով Ռուսաստանի մասնակցությունը նման միջոցառմանը, ՌԻԱ Նովոստիին ասել է, որ ռուսական իշխանությունները լսում են «նախկին հռետորաբանությունը՝ առաջ մղելու բացարձակ փակուղային ու վերջնագրային «Զելենսկիի բանաձևը», ինչպես նաև տեսնում են «ուկրաինական ճգնաժամի կարգավորման այլ նախաձեռնությունների միտումնավոր անտեսում»:
«Մենք չենք ընդունում նման վերջնագրերը և չենք պատրաստվում մասնակցել նման «գագաթնաժողովների»»,- ասել է Գալուզինը։
Նշենք, որ Ուկրաինայի նախաձեռնությամբ առաջին խաղաղության գագաթնաժողովը տեղի էր ունեցել հունիսի 15-16-ը։
