30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՄԱԿ-ը հուսով է, որ Հայաստանի և Ադրբեջանի միջև կարգավորման գործընթացը կտա իր պտուղները
Քաղաքականություն
11.07.2024 | 12:02
ՄԱԿ-ը հուսով է, որ Հայաստանի և Ադրբեջանի միջև կարգավորման գործընթացը կտա իր պտուղները։ Այս մասին ճեպազրույցում հայտարարել է ՄԱԿ-ի գլխավոր քարտուղարի խոսնակ Ստեֆան Դյուժարիկը՝ անդրադառնալով Վաշինգտոնում ԱՄՆ պետքարտուղար Էնթոնի Բլինքենի նախաձեռնությամբ Հայաստանի և Ադրբեջանի ԱԳ նախարարների հետ եռակողմ հանդիպմանն ու խաղաղության բանակցություններին։
«Մենք հույս ունենք, որ կարգավորման գործընթացը կտա իր պտուղները։ Կարծում եմ՝ Հայաստանի և Ադրբեջանի միջև հարաբերությունների կարգավորումն ու մի շարք երկկողմ հարցերի կարգավորումը շատ դրական ազդեցություն կունենան ոչ միայն երկու երկրների, այլև ամբողջ տարածաշրջանի համար»,- նշել է ՄԱԿ-ի գլխավոր քարտուղարի խոսնակը։
