09.09.2026 | 20:47
Ծովինար Վարդանյանը հրաժարվել է ինձ ընդունել, դիմել եմ դատարան. Էդգար Ղազարյան. ՏԵՍԱՆՅՈՒԹ
Հայաստանին կտրամադրվի ևս 2.4 մլն դոլարի ֆինանսավորում․ Սամանթա Փաուեր
10.07.2024 | 16:50
ԱՄՆ-ն Հայաստանին կտրամադրի 2,4 մլն դոլարի ֆինանսավորում, որը կօգնի քաղաքացիների անձնական տվյալների պաշտպանության ոլորտի զարգացմանը, այս մասին հրավիրված մամուլի ասուլիսի ժամանակ տեղեկացրեց ԱՄՆ Միջազգային զարգացման գործակալության ղեկավար Սամանթա Փաուերը։
Ըստ նրա՝ տրամադրվելիք գումարը կօգնի ամրապնդել իրավական դաշտը, որպեսզի տեխնոլոգիաներն այնպես զարգանան, որ պաշտպանված լինեն քաղաքացիների անձնական տվյալները և մարդու իրավունքները։
ԱՄՆ պաշտոնյան թվարկեց, որ իրենք աջակցում են Հայաստանի ժողովրդավարական բարեփոխումներին, օգնում կոռուպցիայի կանխարգելման հանձնաժողովի կայացմանը, աջակցում անկախ լրատվամիջոցներին՝ ապահովելու համար թափանցիկ և հաշվետու պետական կառավարում։
Փաուերի խոսքով՝ ԱՄՆ-ն աշխատում է Հայաստանի տնտեսական աճի խթանման ուղղությամբ, օգնում է հայաստանյան տնտեսվարողներին արտահանման նոր շուկաների հետ համագործակցելու հարցում։
«Մենք աջակցել ենք «Ինժեներական քաղաք»-ի կառուցմանը, որը կնպաստի ուսանողների կարիերայի աճին։ Մենք օգնել ենք կառավարությանը բարելավելու արտահանման և ներմուծման ներդրումային հնարավորություններն այնպիսի առաջնային ոլորտներում, ինչպիսիք են գյուղատնտեսությունը, զբոսաշրջությունը և տեխնոլոգիաները»,- ներկայացրեց ԱՄՆ Միջազգային զարգացման գործակալության կառավարիչը։
