07.10.2026 | 23:48
Արթուր Դանիելյանը կալանավորվեց
Իրաքյան Քուրդիստանում առնվազն 162 գյուղ է տարհանվել Թուրքիայի ռազմական գործողությունների պատճառով
Քաղաքականություն
10.07.2024 | 20:55
ԱՄՆ-ում գործող «Community Peacemaker Teams» (CPT) իրավապաշտպան կազմակերպությունը մտահոգություն է հայտնել Իրաքի Քուրդիստանի տարածքում Թուրքիայի շարունակվող ռազմական գործողությունների կապակցությամբ, գրում է Bianet-ը:
Նշվում է, որ մինչ այժմ մոտ 162 գյուղ տարհանվել է, և հակամարտությունների հնարավոր սրումը կարող է տեղահանել ավելի շատ մարդկանց։ Թուրքիան ձգտում է ընդլայնել իր ռազմական գործողությունները տարածաշրջանում՝ ուղղված Քուրդիստանի աշխատավորական կուսակցության դեմ։
Ըստ CPT-ի՝ Թուրքիայի զինված ուժերը հունիսի 15-ին նոր գործողություն են սկսել Դուհոկի Բերվարի Բալա շրջանում՝ զորավարժություններ անցկացնելով վեց գյուղերում։ Հունիսի 25-ին Թուրքիան անցակետ է սահմանել Կանի Բիլավե և Բաբիրե գյուղերի միջև։
Զեկույցում նշվում է, որ այդ գործողությունների պատճառով տարհանվել է առնվազն 162 գյուղ, հիմնականում՝ Դուհոկ նահանգի սահմաններում, որտեղ տեղի է ունեցել 238 ռմբակոծություն։ Առնվազն 602 գյուղ գտնվում է տարհանման վտանգի տակ։
