30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռուսական զորքերն ԱԹՍ-ներով ու հրթիռներով հարձակվել են Ուկրաինայի վրա․ Օդեսայում վնասվել են պահեստներ ու նավ
Քաղաքականություն
10.07.2024 | 14:16
Հուլիսի 9-ի լույս 10-ի գիշերը ռուսական զորքերը հարձակվել են Ուկրաինայի վրա 20 «Շահեդ» տիպի հարձակողական անօդաչու թռչող սարքերով, 4 X-59/X-69» կառավարվող հրթիռներով և «Իսկանդեր-Մ» բալիստիկ հրթիռով: Այս մասին հայտնում է Ուկրաինայի ԶՈւ ռազմաօդային ուժերի հրամանատարությունը, գրում է Current time-ը։
Ուկրաինացի զինվորականները հայտնել են, որ Օդեսայի, Նիկոլաևի, Խերսոնի, Դնեպրոպետրովսկի, Խմելնիցկիի, Չերկասիի, Վիննիցայի և Ռիվնեի շրջաններում 14 անօդաչու թռչող սարք են խոցել։ Օդեսայի շրջանի նավահանգստային ենթակառուցվածքը ենթարկվել է հրթիռային հարձակման։
«Ակտիվ հակազդեցության արդյունքում հակառակորդի 3 X-59/X-69 հրթիռները և երեք հարվածային անօդաչու թռչող սարքերը չեն հասել իրենց թիրախներին»,- ասվում է հաղորդագրության մեջ։
Օդեսայի շրջանային ռազմական վարչակազմի ղեկավար Օլեգ Կիպերը հայտնել է, որ բեկորների անկման հետևանքով վնասվել են պահեստներ, բեռնատար մեքենաներ և քաղաքացիական նավ (Կամերունի դրոշի ներքո)։ Նավի վնասման պատճառով տեղի է ունեցել հեղուկի արտահոսք, հետևանքները վերացվում են։
Նա հայտնել է, որ հարձակման հետևանքով զոհվել են անվտանգության աշխատակիցը և բեռնատարի վարորդը։ Եվս մեկ մարդ վիրավորվել է, նա տեղափոխվել է հիվանդանոց։
