07.10.2026 | 23:48
Արթուր Դանիելյանը կալանավորվեց
Ուկրաինան կարող է և կկանգնեցնի Պուտինին․ Ջո Բայդեն
Քաղաքականություն
10.07.2024 | 12:25
ԱՄՆ նախագահ Ջո Բայդենը խոստացել է ավելի մեծ աջակցություն Ուկրաինային, այդ թվում՝ հակաօդային պաշտպանության համակարգեր։ Այս մասին նա հայտարարել է Վաշինգտոնում ՆԱՏՕ-ի 75-ամյակին նվիրված գագաթնաժողովի մեկնարկին ունեցած ելույթում, գրում է Sky news-ը։
Այս ուղերձը հնչում է այն բանից հետո, երբ Ռուսաստանի ներխուժումն Ուկրաինա ուժեղացավ, և Բայդենի նախագահական մրցակից Դոնալդ Թրամփը շարունակում է ակնարկել, որ ԱՄՆ-ը կլքի ՆԱՏՕ-ն, եթե ինքը հաղթի նոյեմբերի ընտրություններում:
«Պուտինը չի ուզում ավելի պակաս, քան Ուկրաինայի ամբողջական հպատակեցումն ու Ուկրաինան քարտեզից ջնջելն է։ Ուկրաինան կարող է և կկանգնեցնի Պուտինին»,- ասել է Բայդենը։
ՆԱՏՕ-ի գագաթնաժողովի առանցքը լինելու է Ուկրաինային ռազմական և մարդասիրական օգնության նոր խոստումները:
Բայդենը և Գերմանիայի, Իտալիայի, Նիդերլանդների ու Ռումինիայի ղեկավարները խոստացել են հինգ լրացուցիչ Patriot և այլ ռազմավարական հակաօդային պաշտպանության համակարգեր՝ պաշտպանելու ուկրաինական քաղաքները, խաղաղ բնակիչներին և զինվորներին: Մյուս դաշնակիցները, ներառյալ՝ Կանադան, Նորվեգիան, Իսպանիան և Մեծ Բրիտանիան, կտրամադրեն այլ համակարգեր, որոնք ուղղված են Ուկրաինայի պաշտպանության բարելավմանը:
«Սա առանցքային պահ է Եվրոպայի և տրանսատլանտյան հանրության, ես կարող եմ ավելացնել՝ նաև աշխարհի համար»,- հայտարարել է Բայդենը:
