02.06.2026 | 15:38
Վարդերի և բանջարեղենի առաջին խմբաքանակներն արդեն դուրս են եկել. Փաշինյան․ ՏԵՍԱՆՅՈՒԹ
Կրեմլում մեկնարկել են Պուտինի և Մոդիի բանակցությունները
Քաղաքականություն
09.07.2024 | 15:40
ՌԴ նախագահ Վլադիմիր Պուտինը և Հնդկաստանի վարչապետ Նարենդրա Մոդին բանակցություններ են սկսել Կրեմլում, գրում է ՌԻԱ Նովոստին։
Պուտինը նշել է, որ երկու երկրների հարաբերություններն արտոնյալ ռազմավարական գործընկերության բնույթ են կրում, երկրները կապված են բարեկամությամբ։
«Մեր երկրներն ունեն երկարամյա բարեկամություն, լավ հարաբերություններ, որոնք զարգացել են տասնամյակների ընթացքում, և այս տարի մենք նշում ենք դիվանագիտական հարաբերությունների հաստատման 77 տարին։ Այսօր մեր հարաբերություններն ունեն հատուկ արտոնյալ ռազմավարական գործընկերության բնույթ»,- ասել է Պուտինը։
Նա նաև շնորհակալություն է հայտնել Մոդիին՝ Ուկրաինայում խաղաղ կարգավորման լուծում գտնելու փորձի համար։
«Երախտապարտ եմ Ձեզ այն ուշադրության համար, որ դարձնում եք ավելի սուր խնդիրներին, այդ թվում՝ ուկրաինական ճգնաժամը լուծելու որոշ ուղիներ գտնելու փորձի համար, իհարկե, առաջին հերթին խաղաղ ճանապարհով»,- ասել է ՌԴ նախագահը։
Նա հայտնել է, որ Հնդկաստանի վարչապետի հետ նախօրեին ոչ պաշտոնական հանդիպմանը քննարկել են բոլոր հարցերը։
«Մենք երեկ ոչ պաշտոնական միջավայրում հնարավորություն ունեցանք գործնականում խոսել բոլոր հարցերի շուրջ»,- հայտարարել է Պուտինը։
