24.06.2026 | 02:07
ԱԱ-2026. Անգլիան ոչ-ոքի խաղաց Գանայի հետ. ՏԵՍԱՆՅՈՒԹ
Կրեմլն «առավելագույնս ուշադիր» հետևելու է ՆԱՏՕ-ի գագաթնաժողովին
Քաղաքականություն
09.07.2024 | 16:35
Կրեմլն ուշադրությամբ հետևելու է հուլիսի 9-11-ը Վաշինգտոնում կայանալիք ՆԱՏՕ-ի գագաթնաժողովի հայտարարություններին և որոշումներին, քանի որ դաշինքը «Ռուսաստանը դիտարկում է որպես թշնամի և ներգրավված է ուկրաինական հակամարտության մեջ»։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Առավելագույնս ուշադիր հետևելու ենք։ Գիտեք, որ ՆԱՏՕ-ն դաշինք է, որը Ռուսաստանի Դաշնությանը համարում է թշնամի, հակառակորդ։ Սա դաշինք է, որը բազմիցս բացեիբաց հայտարարել է մարտի դաշտում Ռուսաստանին ռազմավարական պարտություն հասցնելու նպատակի մասին։ Եվ սա դաշինք է, որն ուղղակիորեն ներգրավված է ուկրաինական հակամարտության մեջ՝ ուկրաինական կողմից»,- ասել է նա։
Պեսկովն ընդգծել է, որ Մոսկվան «ամենայն ուշադրությամբ հետևելու է հռետորաբանությանը, բանակցություններին, որոշումներին, որոնք կընդունվեն և կարձանագրվեն թղթի վրա» գագաթնաժողովից հետո։
ՆԱՏՕ-ի գագաթնաժողովը տեղի է ունենալու Վաշինգտոնում հուլիսի 9-11-ը։
