21.06.2026 | 13:46
Ինչո՞ւ է հնարավոր չէ կարկուտը ճշգրիտ կանխատեսել․ պարզաբանում է Լևոն Ազիզյանը
Թուրքիան տիեզերք է ուղարկել սեփական արտադրության առաջին կապի արբանյակը՝ Turksat 6A-ը
Քաղաքականություն
09.07.2024 | 13:04
Թուրք ինժեներների կողմից մշակված առաջին արբանյակը՝ Türksat 6A-ը, ուղարկվել է տիեզերք Space X-ի Falcon 9 հրթիռով ԱՄՆ Ֆլորիդա նահանգից, գրում են տեղական լրատվամիջոցները։
Նշվում է, որ Turksat 6A կապի արբանյակի արձակման արարողությանը, որը տեղի է ունեցել Ֆլորիդայի Կանավերալ հրվանդանի տիեզերակայանում, մասնակցել են Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն, պաշտպանական արդյունաբերության խորհրդի ղեկավար Հալուք Գյորգյունը, Turksat-ի գործադիր տնօրեն Հասան Հուսեյն Էրտոկը, Թուրքիայի գիտատեխնիկական հետազոտությունների խորհրդի (TÜBİTAK) պրոֆեսոր Հասան Մանդալը, Turkish Aerospace Industries (TAI) գործադիր տնօրեն Մեհմեդ Դեմիրօղլուն, ASELSAN-ի գործադիր տնօրեն Ահմեդ Աքյոլը, CTECH-ի գործադիր տնօրեն Ջյունեյդ Ֆըրաթը և այլ պաշտոնյաներ։
Անբարենպաստ եղանակային պայմանների պատճառով մի քանի անգամ հետաձգված արձակման գործողությունը հաջողությամբ ավարտվել է։
Türksat 6A-ը գտնվելու է Երկրից 35,786 կիլոմետր հեռավորության վրա։ 8,4 կիլովատ հզորությամբ և 4229 կիլոգրամ քաշով արբանյակը սպասարկելու է Հնդկաստանի, Թաիլանդի, Մալայզիայի և Ինդոնեզիայի տարածքները։ Türksat 6A արբանյակն արտադրվել է Անկարայի TAI Space Systems Integration and Test (USET) կենտրոնի թուրք ինժեներների կողմից։ Նշվում է, որ տեղական բաղադրիչների մասնաբաժինը կազմում է ավելի քան 80 տոկոս։
